Do 1 ao 10 de agosto, Editorial Galaxia participará na Feira do Libro da Coruña cunha ampla programación de preto de trinta actividades nos Xardíns de Méndez Núñez.
Editorial Galaxia estará presente na Feira do Libro da Coruña cunha ampla programación que reunirá, do 1 ao 10 de agosto, algunhas das nosas novidades editoriais.
Presentacións, conversas, sinaturas e actividades participativas conforman unha proposta diversa, que percorrerá a narrativa, o ensaio, a memoria histórica, a novela negra, a gastronomía, a creación literaria e o diálogo entre literatura e fotografía.
Ao longo dos dez días da feira, o público poderá achegarse a obras recoñecidas con premios como o García Barros ou os Follas Novas, descubrir novidades editoriais e conversar directamente coas súas autoras e autores.
Programación de Editorial Galaxia
Sábado 1 de agosto
18 h. Sinatura de Paula Mayor
A autora asinará exemplares de Rosalía oculta na caseta da libraría A Gata Tola.
Domingo 2 de agosto
18:30 h. Sinatura de Juan Galán
Encontro arredor de Rotspanier. Un miliciano galego no exilio francés, na caseta da libraría Ler da Pobra do Caramiñal.
19 h. Conversas Follas Novas
Tamara Andrés e Carlos Negro dialogarán sobre os fíos da memoria que tece a literatura. Andrés é autora de Eu son de aquí e de alá e Carlos Negro participa como autor de A caligrafía das espigas, recoñecido co Premio Follas Novas ao libro mellor editado.
19:30 h. Sinatura de Arantza Portabales
A autora asinará Asasinato no muíño do cura e o resto da súa obra na caseta de Espazo Lector Nobel.
20 h. Presentación de A muller de mentira
Iria Collazo López presentará a obra gañadora do Premio García Barros 2026. Estará acompañada por Tamara Andrés, responsable de Edicións de Editorial Galaxia.
20:45 h. Sinatura de Iria Collazo
Na caseta da libraría Lume.
Luns 3 de agosto
19 h. O amor, o odio e a ignorancia
Manuel Fernández Blanco presenta O amor, o odio e a ignorancia. Conversa con Carlos Callón. Participarán Manuel Fernández Blanco e Carlos Callón, acompañados pola xornalista Fernanda Tabarés.
Martes 4 de agosto
20 h. Escena do crime: a novela negra hoxe
Conversa con Arantza Portabales, autora de Asasinato no muíño do cura; Pedro Martí, autor de La mala hija; e Pedro Feijoo, autor de Onde nacen as bestas. Modera María Nieto.
Mércores 5 de agosto
12 h. Sinatura de Juan Galán
Arredor de Rotspanier. Un miliciano galego no exilio francés, na caseta da libraría Couceiro.
19:15 h. As tumbas ao clareo
Alba Tomé, autora de As humidades, Alba Guzmán, e Valeria G. Caneda conversarán sobre novos códigos narrativos para nomear as violencias. Modera Branca Trigo.
19:30 h. Sinatura de Juan Galán
Na caseta da libraría Galgo Azul.
Xoves 6 de agosto
12:30 h. Sinatura de Silvia Fernández
Arredor de O mar que me levou, na caseta de Espazo Lector Nobel.
19 h. Sinatura de Brais Lamela
O autor asinará A lingua estranxeira na caseta da libraría Berbiriana.
20 h. Sinatura de Mónica Prego
A autora asinará A carón do lume na caseta da libraría Arenas.
Venres 7 de agosto
17:30 h. Sinatura de Carmen V. Valiña
Arredor de As tolas que non o eran, na caseta de Espazo Lector Nobel.
17:30 h. Sinatura de Silvia Fernández
Arredor de O mar que me levou, na caseta da libraría Lume.
Sábado 8 de agosto
17:30 h. Sinatura de Ana Varela
Arredor de Runrún, na caseta da libraría Lume.
17:30 h. Sinatura de Alba Tomé
Arredor de As humidades, finalista do Premio Illa Nova, na caseta de Espazo Lector Nobel.
17:30 h. Sinatura de Abraham Pérez
O autor asinará A vida a arder e o resto da súa obra na caseta da libraría Galgo Azul.
20 h. Presentación de Os abandonos
Antón Riveiro Coello presentará a súa nova novela acompañado polo escritor e historiador Carlos Pereira.
Domingo 9 de agosto
12 h. Sinatura de Paula Mayor
Arredor de Rosalía oculta, na caseta da libraría Lume.
18 h. Sinatura de Nerea Pallares
A autora asinará Punto de araña na caseta da libraría Couceiro.
19 h. Sinatura de Brais Lamela
Brais Lamela asinará exemplares na ULA libraría social.
20 h. Presentación de A lingua estranxeira
Brais Lamela presentará a súa nova novela acompañado polo escritor Alberto Lema.
20:15 h. Conversas Follas Novas
Nerea Pallares conversará con Olaia Sendón sobre Punto de araña, Premio Follas Novas do Libro Galego 2026 á Narrativa.
Luns 10 de agosto
12 h. Sinatura de Silvia Fernández
Arredor de O mar que me levou, na caseta da libraría Galgo Azul.
19 h. Perpetuando a José Suárez
Actividade baseada en Tras da mirada de José Suárez, de Olaia Sendón. As persoas asistentes poderán converterse en protagonistas dunha das imaxes máis icónicas do fotógrafo.
20 h. Presentación de Por que comemos?
Xosé Cermeño presentará o seu novo libro acompañado polo xornalista Moncho Viña.
A Feira do Libro da Coruña celebrarase do 1 ao 10 de agosto nos Xardíns de Méndez Núñez, en horario de 11 a 14 h e de 17:30 a 21:30 h. Todos os libros contarán cun 10 % de desconto.