Estás aquí:

Código: 2700

Tempos chegados? Sobre o futuro político de Galiza

16,90 € IVE INCLUIDO

As formas da sociedade

Libro colectivo e plurilingüe, Tempos chegados? está formado por catro ensaios sobre a forma de organización política dunha sociedade, a galega, tanto no momento actual coma no futuro. No epílogo, Arturo de Nieves e Carlos Taibo, editores do libro, describen os seus obxectivos deste xeito: «A nossa intenção, porém, é contribuir para o que consideramos deveria ser uma escolha madura e reflexiva por parte da cidadania galega; a forma de organização política duma sociedade é determinante no bem-estar das pessoas que a integram e por isso achamos que não se deve fundamentar em inércias do passado ou em desinformação do presente. Parece-nos, no entanto, que seja qual for o modo de organização política preferido polos galegos e galegas, essa escolha deve ser livre e informada. Se esta obra é capaz de contribuir para esse propósito, mesmo da forma mais modesta, consideraremos que foi um sucesso.»
Dos catro ensaios recollidos neste libro, tres aséntanse na institución Estado, mentres que o cuarto e último defende un proxecto situado lonxe desa institución. Pola súa banda, entre os tres primeiros, dous entenden Galiza como unha parte do Estado español, mentres que outro considera, polo contrario, unha Galiza independente. Ten o seu interese salientar como cada un dos autores outorga, nan sua análise, maior importancia a unhas ou a outras materias: o Dereito no texto de Portero, a Historia recente no de Beramendi, a Economía no de Vence e a Historia máis afastada no de Evans. Ambos os dous editores deixan nas mans de quen lea determinar se as opcións lingüístico-ortográficas dos autores teñen algún significado salientable: Portero emprega o castelán, Beramendi e Vence sérvense do galego e Evans escribe en portugués.

Comparte nas túas redes sociais ou por email

Detalles do libro

Páxinas: 148

Deseño: Rústica con lapelas

Data Publicación: 02/09/2015

Dimensións 135 x 210 mm.

Colección: Ensaio

Nº na colección:

Edición: 1ª

Editorial: Galaxia

ISBN: 978-84-9865-624-4

Observacións:

Novas relacionadas con este libro

AUTORES/AS

Justo, Beramendi

(1941) é catedrático emérito de Historia Contemporánea da USC e presidente do Padroado do Museo do Pobo Galego.

Foi cofundador do Museo do Pobo Galego e é o presidente actual da súa Xunta Reitora. É membro fundador da Fundación Castelao e director da sección de pensamento político da Fundación Vicente Risco. Participou na creación das revistas Negacións (Madrid, 1977), A Trabe de Ouro (Santiago, 1990) e Tempos Novos (Santiago, 1997). Xubilouse no ano 2012.

Especializado na historia das ideoloxías e dos nacionalismos foi editor das obras de Losada Diéguez, Ramón Villar Ponte, Pena Novo, Castelao e Vicente Risco. Organizou e coeditou as actas dos congresos Nacionalismos e rexionalismos na España da Restauración (1983), Castelao (1986), Os nacionalismos na España da Segunda República (1988), Nationalisms in Europe. Past and Present (1993) e Memoria e Identidade (2004).

As súas obras

Tempos chegados? Sobre o futuro político de Galiza

16.90€ CON IVE

Evans, Joám

(1983) forma parte do Partido da Terra. Desde 2011 dirixe os programas de prevención da violencia do Center for Global Nonkilling (Hawaii).

As súas obras

Tempos chegados? Sobre o futuro político de Galiza

16.90€ CON IVE

Portero, José Antonio

(Burgos, 1947) foi o primeiro reitor da Universidade da Coruña, na que actualmente ocupa a cátedra de Dereito Constitucional.

Foi nomeado primeiro reitor da recentemente creada Universidade da Coruña e designado polo Concello da Coruña para impulsar a aplicación da Lei da Memoria Histórica na cidade. Sucedeulle no cargo de reitor José Luis Meilán Gil.

É membro do Instituto Cornide de Estudos Coruñeses desde abril de 2011 e colaborador no diario A Opinión A Coruña. No ano 2012 foi un dos integrantes dun encontro organizado pola Universidade Internacional Menéndez Pelayo sobre a Constitución española de 1812.

As súas obras

Tempos chegados? Sobre o futuro político de Galiza

16.90€ CON IVE

Vence, Xavier

(1961) é catedrático de Economía Aplicada na Universidade de Santiago de Compostela e portavoz nacional do Bloque Nacionalista Galego (BNG). Membro correspondente da Real Academia Galega desde 2012.

Coordina a Rede REPENSeI (Regulación, Estratexias e Políticas para a Emerxencia de Novos Sectores Innovadores), e é membro do consello de redacción de A Trabe de Ouro, así como do consello científico da Revista Galega de Economía e da Revista Principios. Colaborador habitual da revista Tempos Novos e noutros medios como a Radio Galega, Xornal de Galicia ou Sermos Galiza.