Estás aquí:

Código: 2651

A cuestion ambiental en Galicia

Díaz-Fierros Viqueira, Francisco

28,60 € IVE INCLUIDO

A cultura ambiental dos galegos e galegas agroma dunha ética e dunha sensibilidade que se configuran ao longo da historia. Neste libro Díaz-Fierros achéganos a un ensaio no que analiza as orixes e a evolución do pensamento sobre os límites dos recursos naturais da sociedade galega.

Os problemas ecolóxicos e ambientais que afectan a todo o globo preocupan cada vez máis á sociedade, pero cada cultura reacciona ante eles dunha maneira diferente. Francisco Díaz-Fierros propón en A cuestión ambiental en Galicia un achegamento sobre os límites dos recursos naturais na sociedade galega; para iso centra o seu traballo nun período de tempo esencial, desde mediados do século XVIII, en que se acada un desenvolvemento tecnolóxico que altera considerablemente en en pouco tempo o medio natural, ata 1972,ano no que se celebra o cumio de Estocolmo.

A natureza como recurso, a recepción do pensamento ecolóxico, o enfoque sanitario da problemática ambiental son os eixos ao redor dos cales se desenvolve este ensaio histórico no que se recollen os principais fitos que acabarán constituíndo as raíces e desenvolvemento dunha cultura moi presente na sociedade de hoxe.

Comparte nas túas redes sociais ou por email

Detalles do libro

Páxinas: 372

Deseño: Rústica con lapelas

Data Publicación: 17/03/2006

Dimensións 14 x 21 cm. mm.

Colección: Ensaio

Nº na colección:

Edición: 1ª

Editorial: Galaxia

ISBN: 978-84-8288-887-3

Observacións:

Novas relacionadas con este libro

Nunha calorosa e entusiasta presentación o profesor Díaz-Fierros e Editorial Galaxia celebran a publicación de "A cuestión ambiental en Galicia"

Eventos relacionados con este libro

AUTORES/AS

Díaz-Fierros Viqueira, Francisco

Catedrático de Edafoloxía e Química Agrícola da Universidade de Santiago de Compostela. Foi Presidente da Sociedade Galega de Historia Natural. Autor de monografías coma As concas fluviais de Galicia. Características e riscos de contaminación difusa (1993) e O medioambiente: do control da emisión á incerteza do risco (2000). Obtivo o Premio da Crítica de Galicia en investigación no ano 1997.

Díaz-Fierros é membro do Consello da Cultura Galega e membro numerario da Real Academia Galega desde o 26 de setembro do ano 2002, data na que pronunciou o discurso Un ensaio sobre a historia ecolóxica de Galicia: o aproveitamento do solo. Desde 2016 é académico de número emérito da Real Academia de Farmacia de Galicia.