berro

15,50€

mercar

Berrogüetto. O pulso da terra

Fernando Neira

A primeira biografía de Berrogüetto, xunto cun concerto en directo en CD e DVD

O 1 de xullo de 1995 unha nova formación, de estraño nome e son irresistible, abarrotaba a compostelá praza da Quintana, tras apenas un par de meses de ensaio: Berrogüetto. O pulso da terra é a primeira biografía da banda, posiblemente, máis relevante que deu a música de raíz tradicional galega durante estas dúas últimas décadas.

A partir das confesións dos membros presentes e pasados do hoxe septeto, pero tamén de numerosos colaboradores, o libro reconstrúe unha historia de éxitos e incertezas, recoñecementos internacionais, ambicións e temores, personalidades complementarias, crises e reinvencións, compromisos estéticos e ousadías, como a autoxestión ou a democracia asemblearia.

O libro, con abundantes fotografías inéditas, inclúe o DVD do concerto que Berrogüetto ofreceu o 13 de novembro de 2010 no Auditorio de Galicia, con motivo da presentación do seu álbum Kosmogonías, así como o CD coa banda sonora daquela histórica velada.

Recensións


Detalles

  • Páxinas : 192
  • Deseño : Capa dura
  • Dimensións : 240 x 210 mm.
  • Data Publicación : 2011-11-10
  • Colección : Reportaxe
  • Editorial : Galaxia
  • ISBN : 978-84-9865-393-9
  • Edición : 1

Noticias relacionadas

Novidades con moita música2012-03-27 10:17:11
Rosendo en Sabaxáns2012-03-27 10:17:59
Conversa con Berrogüetto2012-11-05 15:04:25
Na despedida de Berrogüetto2014-02-05 23:13:32

Obras do autor en catálogo


Actividades relacionadas

CULTURGAL 20112011-12-03 12:00:00
Conversa con Berrogüetto2012-08-02 20:00:00

Novidades

978849151630917 segundosKirmen Uribe

fneira

Neira, Fernando
Fernando Neira Díaz, xomalista e critico musical, é oriúndo de Guitiriz (Lugo), reside en Madrid. Colaborador fixo nas páxinas de El País desde outubro de 1995, desenvolveu a maior parte da súa traxectoria na sección de Cultura deste xornal e tamén nos suplementos Babelia, EP3, El País Semanal e El País Madrid. Escribiu para Rolling Stone (onde durante tres anos consecutivos elaborou a sección da última páxina, Cara B), Revista 40, e outras publicacións. Antes de incorporarse a El País xa exerceu o xornalismo musical nas páxinas de ABC (1990-1994) e da revista Época (1992). Na actualidade, e desde 2006, é director de Comunicación de AISGE e da Fundación AISGE.

En decembro de 2006 publicou, xunto con Tito Lesende, o libro 201 discos para engancharse al pop-rock español (Ediciones Autor), que coñeceu dúas edicións. Tamén é autor dos libros Las músicas de Escocia (FNAC, 2002) e Las músicas de Escandinavia (FNAC, 2002). En 2007 produciu e coordinou o disco colectivo Mano que mece la luna, a primeira recompilación a fondo sobre cancións de berce na música tradicional española. Tamén publicou Lágrimas negras (2003), primeiro disco solidario de artistas galegos sobre a catástrofe do Prestige.


Uso de cookies

Este sitio web utiliza cookies para que vostede teña a mellor experiencia de usuario. Se continúa navegando está dando o seu consentimento para a aceptación das mencionadas cookies e a aceptación da nosa política de cookies, clique na ligazón para máis información. sobre as cookies

ACEPTAR