Estás aquí:

Código: 2699

Barthes filósofo

G. Soto, Luís

16,60 € IVE INCLUIDO

XIV PREMIO RAMON PIÑEIRO 2014

Dentro da complexidade da súa obra, o propio Roland Barthes discerniu catro "fases": mitoloxía social, semioloxía, textualidade e moralidade.
Neste libro, Luís G. Soto estuda ese mesmo percorrido seguindo, en orde cronolóxica, todos os seus títulos, cuxos contidos son expostos, analizados e interpretados. Cunha achega inicial á vida do autor e ao contexto da súa obra, no ensaio saliéntase que neses catro dominios (a crítica, a ciencia, a estética, a ética) Barhes non está instalado na verdade, senón que a busca: ao modo dos filósofos clásicos, non a posúe, senón que a quere. Como aqueles, máis que ser sabio (ter o saber), é amante da sabedoría (perséguea, preténdea): filosofa, é filósofo. O obxectivo de Barthes filósofo é recoller esa variedade, dar razón dela sen a sacrificar, colocándoa baixo o prisma da filosofía. É a mesma obra de Roland Barthes a que dá para proceder así.

Comparte nas túas redes sociais ou por email

Detalles do libro

Páxinas: 144

Deseño: Rústica con lapelas

Data Publicación: 25/01/2016

Dimensións 135 x 210 mm.

Colección: Ensaio

Nº na colección:

Edición: 1ª

Editorial: Galaxia

ISBN: 978-84-9865-608-4

Observacións:

Novas relacionadas con este libro

AUTORES/AS

G. Soto, Luís

(A Coruña, 1956). É doutor en Filosofía pola Universidade de Santiago de Compostela e en Dereito pola Universidade Autónoma de Madrid. Desde 1989, é profesor titular de Filosofía Moral na Facultade de Filosofía da USC, da que foi decano (2005-2013). Foi redactor do Código Ético da USC (2007).
Publicou os seguintes libros: Outramente Barthes (1988), Paz, guerra e violencia (2003), Aristóteles (2003), a tradución para o galego, con Tareixa Roca, da Nova enciclopedia de bioética (G. Hottois e J. N. Misa, dirs., 2005), O espírito da letra (2008) e, en castelán, Teoría de la justicia e idea del derecho en Aristóteles (2011). En 2012, obtivo o Premio Carvalho Calero polo ensaio O labirinto da saudade.
Sobre Barthes realizou a tese de doutoramento Unha lectura de Barthes (1986) e coordinou os números monográficos internacionais das revistas Nova Renascença (1994), con José Augusto Seabra, e Agora, Papeles de Filosofía (2005).