Ensaios sobre Galicia

Xohán Vicente Viqueira

Limiar Narciso de Gabriel

Os textos que aquí se recollen foron escritos por Xohán Vicente Viqueira nos anos de docencia no instituto da Coruña, onde nos presenta as súas reflexións sobre Galicia como nación, cunha “alma” de seu, expresión que utiliza para facer referencia ao “espírito do pobo”, resultado da encarnación dunha raza nunha terra, e que se concreta, en termos políticos, na meta de acadar un federalismo presidido polos ideais de liberdade democracia e prosperidade.

A lingua é para Viqueira a  expresión da “personalidade galaica”, que se debía de limpar de castelanismos e da súa progresiva deterioración. Outra das ideas que está presente é a da educación, base fundamental para abordar os outros temas e un mecanismo fundamental para a construción da nación.

Recensións


Detalles

  • Páxinas : 168
  • Deseño : Rústica con lapelas
  • Dimensións : 135 x 210
  • Data Publicación : 15/12/2021
  • Colección : Biblioteca Nós
  • Editorial : Galaxia
  • ISBN : 978-84-9151-777-1
  • Edición :
  • Nº na colección : 18
  • Observacións :

Noticias relacionadas


Obras do autor en catálogo


Actividades relacionadas


Novidades

Carliños, capitán!Xoán Babarro González
Unha cervexa ChangManuel Portas
O meu sangueDiego Giráldez
MaasaiAlberto Avendaño

Autor/a

Vicente Viqueira, Xoán
(Madrid, 1886 - Bergondo, 1924), filósofo e pedagogo, entrou en contacto en Madrid coa Institución Libre de Enseñanza, cidade onde se licenciou e doutorou en Filosofía. En 1911 estudou Psicoloxía en varias universidades alemás cunha bolsa da Xunta para a Ampliación de Estudos, que lle deu un amplo coñecemento das correntes filosóficas e pedagóxicas europeas. Foi catedrático de instituto en Santiago e logo na Coruña e formou parte da Irmandade da Fala desta cidade, da que chegou a ser presidente. Escribiu artigos en A Nosa Terra de carácter político, pedagóxico e lingüístico, onde postulaba un achegamento da lingua ao portugués e defendía a galeguización do ensino e a modernización e reforma do sistema educativo. En 1974 dedicóuselle o Día das Letras Galegas.


Uso de cookies

Este sitio web utiliza cookies para que vostede teña a mellor experiencia de usuario. Se continúa navegando está dando o seu consentimento para a aceptación das mencionadas cookies e a aceptación da nosa política de cookies, clique na ligazón para máis información. sobre as cookies

ACEPTAR