Do ermo

Antonio Noriega Varela

Antonio Noriega Varela achéganos en Do ermo á vida dos labregos en diálogo coa natureza coa intención de rescatar a esencia máis pura e sinxela desta.

A súa primeira parte, “Montañesas”, segue unha liña costumista centrada na montaña, a verdadeira protagonista. Na segunda, “Do ermo”, aproxímase ao intimismo máis puro arredor da erma soidade da paisaxe, onde recrea as cousas máis pequenas e humildes (a flor dun toxo, o fío dunha arañeira…), na chamada “poesía franciscana”, con influencias da literatura portuguesa (Teixeira de Pascoaes, Guerra Junqueiro, Antero de Quental) e dos clásicos, Virxilio e Horacio, ademais de achegarse á poesía satírica, social e popular.

Recensións


Detalles

  • Páxinas : 206
  • Deseño : Rústica con lapelas
  • Dimensións : 135 x 210
  • Data Publicación : 25/10/2021
  • Colección : Biblioteca Nós
  • Editorial : Galaxia
  • ISBN : 978-84-9151-740-5
  • Edición :
  • Nº na colección : 13
  • Observacións :

Noticias relacionadas


Obras do autor en catálogo


Actividades relacionadas


Novidades

Taracea marroquí 1935Eduardo Blanco Amor
Obra dramáticaÁlvaro de las Casas
Ensaios sobre GaliciaXohán Vicente Viqueira
Os camiños da vidaRamón Otero Pedrayo

Autor/a

Noriega Varela, Antonio
(Mondoñedo, 1869-Viveiro, 1947), coñecido como “o poeta da montaña”, e inscrito na denominada “xeración de entre séculos”, tras abandonar a carreira eclesiástica fíxose mestre e comezou a exercer en Foz, onde coñeceu o agrarismo e o movemento anticaciquil da man de Antón Villar Ponte, aínda que sempre militou nunha ideoloxía conservadora e tradicionalista. Logo pasou por outros destinos e en Trasalba trabou amizade con Otero Pedrayo, entrando en contacto coas Irmandades da Fala e a literatura portuguesa, con im-portante pegada na súa obra. En 1904 publicou o seu primeiro libro, Montañesas, ampliado en 1920 co título de Do ermo, e aumentado na edición de 1946, a xeito de recompilación da súa obra. En 1913 deu ao prelo unha escolma de cantigas populares na honra da Virxe María, A Virxe e a paisanaxe, e en 1928 Como falan os brañegos, unha colección de ditos, frases e adiviñas po-pulares. En 1927 foi nomeado membro da Real Academia Galega.


Uso de cookies

Este sitio web utiliza cookies para que vostede teña a mellor experiencia de usuario. Se continúa navegando está dando o seu consentimento para a aceptación das mencionadas cookies e a aceptación da nosa política de cookies, clique na ligazón para máis información. sobre as cookies

ACEPTAR