11,00€

mercar

Despois das ondas

Ernesto Is

XVIII PREMIO RAFAEL DIESTE DE TEXTOS TEATRAIS 2017

Tras corenta anos no exilio, María Casares regresa á patria da súa infancia convertida nunha grande intérprete, e no símbolo da España refuxiada, coa lembranza dunha Galicia entre as brétemas do pasado. Será nesa néboa onde a actriz deberá internarse para atopar o significado dunha vida chea de éxitos e perdas, onde as pantasmas que camiñan pola súa memoria axudarana a responder á verdadeira razón desta viaxe: quen é María Casares?

Despois das ondas, a primeira peza dramática longa en galego sobre a vida e a carreira da actriz, unha das creadoras máis influentes do século XX, foi estreada en 2019 pola compañía ButacaZero, con dirección de Xavier Castiñeira, no Teatro Colón da Coruña, cidade natal da protagonista, e a onde nunca puido regresar, e que se reedita no centenario de María Casares.

Recensións


Detalles

  • Páxinas : 84
  • Deseño : Rústica con lapelas
  • Dimensións : 135 x 210
  • Data Publicación : 01/04/2022
  • Colección : Teatro
  • Editorial : Galaxia
  • ISBN : 978-84-9151-830-3
  • Edición :
  • Nº na colección : 4
  • Observacións :

Noticias relacionadas


Obras do autor en catálogo


Actividades relacionadas


Novidades

EricaAna Vigo

Autor/a

Is, Ernesto
(Xixón, 1988) é dramaturgo, narrador, dinamizador cultural e profesor de teatro e escrita dramática. Titulado superior en Dramaturxia pola ESAD de Galicia, ten estudos de realización e produción audiovisual. Recibiu os premios Abrente, da MIT de Ribadavia (2016, ex aequo), pola obra Fendas (que volveu gañar en 2021), o Rafael Dieste de Textos Teatrais (2017), por Despois das ondas, monólogo sobre a actriz María Casares, que foi levado a escena por ButacaZero en 2019, por cuxa montaxe foi candidato ao mellor texto orixinal nos XXIV Premios María Casares da Asociación de Actores e Actrices de Galicia. Das súas publicacións destacan a peza de teatro documental Relato para un incendio, ao abeiro da primeira bolsa de dramaturxia e creación da Agadic, El hombre que soñaba con elefantes en las estrellas (2017), Hotel Europa (2022) e O péndulo (2022).


Uso de cookies

Este sitio web utiliza cookies para que vostede teña a mellor experiencia de usuario. Se continúa navegando está dando o seu consentimento para a aceptación das mencionadas cookies e a aceptación da nosa política de cookies, clique na ligazón para máis información. sobre as cookies

ACEPTAR