Estás aquí:

Unha bonita escapada

Gavalda , Anna

ESGOTADO

A nova novela da autora de Xuntos e máis nada. Unha historia áxil, tenra e divertida, na que tamén caben o humor e a crítica dos convencionalismos. Publicada en Francia en novembro do 2009, Unha bonita escapada está a ser unha das novidades máis lidas en francés nestes últimos meses. Nesta novela curta cóntase a historia de Simon, Garance e Lola, tres irmáns e irmás que escapan dunha voda que se anuncia especialmente anoxadora. Marchan en procura do máis novo da familia, Vincent, que é guía turístico nun recuncho perdido da campiña francesa. Esquecendo por unhas horas fillos, parellas, divorcios, preocupacións e obrigas sociais, deciden agasallarse por unha vez cunha auténtica e bonita xeira de liberdade. Anna Gavalda é a autora de Xuntos e máis nada, un dos títulos de maior éxito da Biblioteca Compostela, con 3 edicións, e foi Premio Novela Europea do Casino de Santiago no 2005.

Comparte nas túas redes sociais ou por email

Detalles do libro

Paxinas: 124

Deseño: Rústica con lapelas

Data Publicación: 21/04/2010

Dimensións 135 x 210 mm mm.

Colección: Biblioteca Compostela de Narrativa Europea

Nº na Colección:

Edición: 1ª

Editorial: Galaxia

ISBN: 978-84-9865-279-6

Observacións: ESGOTADO

Novas relacionadas con este libro

Novidades en tradución de Galaxia

AUTORES/AS

Gavalda , Anna

Naceu en 1970 en Boulogne-Billancourt (París). En 1999 saltou á fama coa obra Quixera que alguén me agardara nalgún lugar, galardonado co Grand Prix RTL-Lire 2000, unha colección de relatos da que se levan vendidos setecentos mil exemplares en Francia e que foi traducida a dezanove idiomas. A súa primeira novela, Amabaa (2002), consagrouna a nivel internacional ao ser publicada con grande éxito de vendas en vinteún países.

Coa segunda novela Xuntos e máis nada (2004) o fenómeno internacional seguiu en aumento. Foi levada ao cine en 2007 por Claude Berri. Hoxe en día é a escritora francesa máis lida, aclamada por unha crítica e un público absolutamente entregados. Vive cerca de París.