Novelovento

Natural do Concello de Riós, na provincia de Ourense, é un cantautor galego que leva trinta anos no mundo da música. De ben cativo, con tan só sete anos de idade, formou parte da orquestra familiar do seu pai, a chamada: Concorde Atenea.

Foi no 2000, despois de moita dedicación as súas pezas, cando publicou o seu primeiro traballo discográfico, un proxecto homónimo con temas inéditos. Tras este éxito, comezou a colaborar con outros músicos como Ismael Serrano, Victor Manuel o Rozalén. Inda así, non vai ser ata a participación no concurso organizado na cidade de Murcia, coñecido como Muestra Nacional de Canción de Autor, cando alcance o total recoñecemento do público é obtiña o segundo premio por parte do xurado.

Agora coa súa suave e potente voz, como describírona nos xornais e as múltiples entrevistas que lle fixeron, achégase a nós co libro Novelovento, unha proposta musical para dar vida aos poemas de Álvaro Cunqueiro.

Álvaro Cunqueiro (Mondoñedo, 1911-Vigo, 1981) dedicouse desde moi novo á literatura e ao xornalismo. Coa súa mestría estilística, o seu libérrimo uso das convencións literarias e a súa capacidade de integración de diferentes tradicións culturais, Cunqueiro anovou fondamente a literatura galega. Da súa obra escrita en galego destacan títulos coma Merlín e familia, As crónicas do sochantre, Escola de menciñeiros, Don Hamlet e Herba aquí e acolá.