Arrieiros somos
Menu
Menu
O 14 de marzo do ano 2020 unha pandemia obrigounos a pecharnos nos nosos fogares.
Eu decidín pasar ese tempo cos meus pais, nacidos os dous pola década dos 40. Nas súas miradas, no seu rostro de incomprensión, comecei a decatarme que empezaba a ser o pai dos meus pais. Unha sensación que nunca antes sentira. O amor ás raíces dos meus proxenitores, unido á miña mente creativa, son os motores deste libro. En cada unha das súas páxinas téntase trasladar todo o que sentín ao entrar nos fogares de cada un dos protagonistas, tomando como referencia todos os valores que as xentes do noso rural nos inculcaron para ser o que somos hoxe.
(Riós, 1980). Actor, director, produtor, ideólogo e activista social, coñecido artisticamente como Rubén Riós, tras cursar Arte Dramática en Vigo, traballou como actor en series de televisión como Libro de familia, Matalobos, Piratas, Urxencia cero e Auga seca, e no cinema en títulos como Pradolongo e Vilamor.
En 2007 crea a produtora Claqueta Coqueta, coa que dirixe curtametraxes como Adeus Edrada? e Coser e cantar (galardoadas cos Premios Mestre Mateo 2008 e 2010), entre outras. En 2013, a raíz da curtametraxe Vida e o documental Máis ca vida, crea o método, pioneiro a nivel Eupopeo, MÁIS CA VIDA RR, que utiliza o cinema como ferramenta de inclusión social e laboral para colectivos vulnerables, proxecto que mereceu o Premio PrixCircom. En 2022 debuta como escritor da man da Editorial Galaxia ca obra Arrieiros somos.
