Melodías e voces esquecidas. Un século de escena lírica en Vigo (1832-1931)
Menu
Menu
Melodías e voces esquecidas é unha máquina do tempo, que nos traslada ao pasado dun Vigo en continua evolución, e móstranos como era a súa sociedade, os seus teatros, os seus gustos culturais, musicais e como todo isto se vai consolidando, e cambiando, ata un século despois.
Carlos Enrique Pérez, plasma neste traballo o retrato dunha cidade e das súas xentes ao longo dun período clave da súa historia máis recente, e afonda en aspectos como o marco urbano e o contexto social, os espazos escénicos, as compañías líricas itinerantes, as sociedades de recreo e salóns burgueses, a música dos cafés e, por suposto, o desenvolvemento das propias tempadas líricas, coas súas grandes ou modestas estrelas, compositores e obras.
é catedrático de Repertorio Vocal con Piano no Conservatorio Superior de Música de Vigo e doutor en musicoloxía pola Universidade Complutense de Madrid e a Universidade de Valladolid. Como profesor, impartiu clases en diversos centros oficiais, como os conservatorios profesionais de música de Vigo, Redondela, Tui e Pontevedra, centro do que foi director.
A súa actividade en concertos centrouse no repertorio camerístico, tanto instrumental como vocal, e colaborou regularmente como repertorista en cursos e certames de interpretación vocal, como o Compostela Lírica. Tamén desenvolveu labores de presentador de concertos didácticos, relator en mesas redondas e conferencias, e no ámbito musicolóxico conta con distintos artigos e publicacións.
