Isilda, a portuguesa
Menu
Menu
Novela policíaca que reune as características máis propias do xénero negro ao tempo que un sabor netamente galego.
A novela iníciase co secuestro de Isilda, unha rapaza portuguesa emigrada a Galicia por razóns familiares e económicas. A última persoa que a viu antes da súa desaparición foi o seu profesor de Lingua Galega, quen vai poñer o caso en mans do detective galego-cubano Ron Negriña. A partir dese momento desenvólvese unha intriga que transcorre entre o sur de Galicia e Portugal e que indaga nas orixes da marxinalidade e xenofobia, así como nas capacidades manipuladoras do medio televisivo.
Naceu en Madrid, filla de pai castelán e nai romanesa. Viviu en varias cidades de Francia, Inglaterra, Marrocos e España. A súa vinculación con Galicia provén do tempo que pasou traballando como profesora no instituto de Vilalonga (Sanxenxo). Froito desa estancia en Galicia foi Mambo negro, a súa primeira novela en galego, na que aparece por vez primeira o personaxe do detective Ron Negriña. Cristina Frasié combina a súa actividade docente cunha intensa dedicación ao xornalismo. Colaborou no Diario de Pontevedra, no semanario Tiempo e nas tertulias radiofónicas Si amanece nos vamos e A vivir que son dos días, ambas na Cadea Ser. Na actualidade vive en Madrid e pasa longas tempadas en Pontevedra.
