A lúa non está á venda
Menu
Menu
A vida arredor do Lúa, un café dun barrio de Lisboa cheo de personaxes entrañables que nos ofrecen os seus dramas persoais.
O Lúa é unha especie de retábulo no que se poden contemplar os personaxes típicos de calquera barrio dunha cidade. Entre eles destaca Dona Estrela, a dona do café, unha muller viúva que leva con enteireza a súa vida e o seu traballo, e Beatriz, unha profesora que reflexiona nas aulas sobre a súa vida ao lado dos alumnos. Estes dous personaxes están construídos con esa sensibilidade que unicamente se pode atopar na mestría das grandes escritoras.
Alice Vieira naceu en 1943 en Lisboa. É licenciada en Filoloxía Xermánica e xornalista. En 1979 recibiu o premio de literatura infantil "Ano Internacional do Neno" con Rosa, miña irmã Rosa e, en 1983, con Este Rei que eu escolhi, o premio "Calouste Gulbenkian" de literatura infantil. Alice Vieira é hoxe unha das máis importantes escritoras portuguesas de literatura xuvenil, cun grande prestixio e proxección nacional e internacional, do que son exemplo as tiradas dos seus libros (máis de 260.000 exemplares editados en Portugal) e a tradución das súas obras en Checoslovaquia, Alemaña, Brasil, España.
