Feirear
Menu
Menu
Feirear significa ‘mercar’, ‘vender’ ou ‘tratar algún negocio na feira’.
É este un título que pretende ser chamador, máis tamén quere integrar os contidos que del se derivan na súa acepción máis compracente e evocadora do mundo rural, que sempre fixo principal a actividade de ir de/á feira, que se foi reconvertendo co tempo nun acontecemento máis económico que social.
O relato que segue ten feitos, tempo de realización e un marco social moi coñecido, mais non é un texto “oficial”, senón desde a perspectiva do sector. A súa feitura está movida por un desexo de descifrar e espir para coñecer o que foi a esencia do substrato feiral do país no sector primario, pero tamén para abrir o seu futuro nunha nova dirección conforme as condicións sociais e de mercado van cambiando, e que José Ramón Castro Frade coñece de primeira man tras décadas no mundo das Feiras, con maiúscula, do que nos presenta unha fotografía en primeiro plano.
(Silleda, 1952), formouse no campo do Turismo, onde aproveitou as suxestións que lle ofrecía para facerse entender en máis dunha lingua no estranxeiro (París e Londres). En 1987, de volta na casa, cando se fixo a primeira Feira Exposición de Silleda, daquela con responsabilidades no mundo do ensino, abriu os brazos a aquel novo sendeiro, e tamén á Universidade de Santiago de Compostela, onde se licenciou en Filoloxía Xermánica (Inglés).
Co acicate da procura dun mellor rural, foi vogal, tesoureiro, secretario, vicepresidente da Asociación Feiral (1998) e director da Semana Verde de Galicia, e publicou artigos sobre o tema en Grial e na revista Cultura Rural.
