Eu roubei o Santa María
Menu
Menu
Un libro para coñecer desde dentro o secuestro do trasantlántico Santa María, episodio épico da resistencia ás ditaduras da Península
O día 22 de xaneiro de 1961 un comando do DRIL (Directorio Revolucionario Ibérico) pon en marcha a Operación Dulcinea, o secuestro en mar aberto do transatlántico Santa María. Tratábase de chamar a atención do mundo sobre as dictaduras de Franco e Oliveira Salazar. Dous portugueses -o xeneral sen medo Humberto Delgado e o capitán Galvão- e dous galegos -Xosé Velo e José Fernández Vázquez, máis coñecido como Comandante J. Soutomaior- foron os protagonistas principais daqueles feitos. J. Soutomaior escribiu dez anos despois o apaixonante relato daquela xesta, convertida xa nun episodio mítico da loita contra a tiranía en España e Portugal.
J. Soutomaior, é o nome de guerra máis célebre dos varios utilizados durante a súa vida por José Fernando Fernández Vázquez (A Pobra do Caramiñal, 1904-Caracas, 1986). Mariño profesional e identificado desde moi novo cos ideais revolucionarios, Soutomaior é o o defensor republicano da Ría de Arousa durante o levantamento de 1936. Controlada Galicia polo franquismo, resiste nos montes do Barbanza ata que logra fuxir á zona leal. Cando remata a Guerra Civil é detido pola Gestapo e internado no campo de exterminio de Auschwitz, do que sae coa derrota nazi pesando tan só 37 quilos. En 1948 se instala en Venezuela e, incansable na súa actividade revolucionaria, é un dos creadores do DRIL, efémero grupo de oposición que pasará á historia do antifranquismo polo secuestro do transatlántico Santa María.
