rolda

23,95€

mercar

A rolda nocturna

Sarah Waters

Premio Novela Europea Casino de Santiago 2008

A novela desenvólvese no Londres da posguerra, logo de que a cidade sufrira os bombardeos dos avións alemáns, e conta os acontecementos e os sentimentos que van unir os destinos de catro mozas que intentan superar a memoria das privacións e os sufrimentos padecidos. Con ela, a Biblioteca Compostela de Narrativa Europea, que Galaxia publica coa colaboración da Concellaría de Cultura do Concello de Santiago, chega ó seu número 19 e inclúe no seu catálogo unha das autoras máis premiadas entre as escritoras británicas das últimas xeracións.

A novela de Sarah Waters pescuda nas raíces da vida de catro personaxes que, no Londres de 1947, sofren as consecuencias da guerra. A novela persegue o fantasma do pasado que obsesiona a Helen e que fai esmorecer a relación prohibida que mantén con Julia, unha autora de éxito a quen coñeceu durante a guerra. Indaga nas razóns polas que Kay, unha heroína dos bombardeos, vaga
inconsolable polas rúas da cidade ou na historia de Viv, unha muller nova e engaioladora que non consegue abandonar o seu amante, antigo soldado casado e cabeza de familia.

En A rolda nocturna, Sarah Waters destila pouco e pouco os acontecementos e os sentimentos para descubrir o segredo que agochan. Recúa no decurso das vidas dos seus personaxes ata chegar aos meses arrepiantes dos bombardeos alemáns sobre Londres. ¿Que é o que realmente une o destino da xente? A escritora consegue mergullar lectores e lectoras nun xogo de pistas palpitante, inzado de reviravoltas estrañas e complicidades inesperadas que as consecuencias da guerra non fan máis que agudizar.

Recensións


Detalles

  • Páxinas : 524
  • Deseño : Rústica con lapelas
  • Dimensións : 135 x 210 mm
  • Data Publicación : 2009-12-30
  • Colección : Biblioteca Compostela de Narrativa Europea
  • Editorial : Galaxia
  • ISBN : 978-84-9865-250-5
  • Edición : 1

Noticias relacionadas

Sarah Waters en Compostela2010-06-16 10:06:48

Obras do autor en catálogo


Actividades relacionadas

Sarah Waters en Compostela2010-01-28 18:30:00

Novidades

grial-228Grial 228 VV.AA.
9788491515791Diario 1921Castelao

sarah

Waters, Sarah
Sarah Waters (Gales, 1966) foi profesora de literatura inglesa. A súa primeira novela, Tipping the Velvet, foi adaptada á televisión pola BBC e, coa segunda, Affinity, obtivo o Premio ao Escritor/a Novo do ano 2000, concedido polo xornal The Sunday Times. A publicación da súa terceira novela, Fingersmith, supúxolle o Premio Somerset Maugham, que sinalou a súa consagración definitiva. No 2003 recibiu o premio dos libreiros ingleses e o British Book Awards. En 2009 publicou a novela The Little Stranger.


Uso de cookies

Este sitio web utiliza cookies para que vostede teña a mellor experiencia de usuario. Se continúa navegando está dando o seu consentimento para a aceptación das mencionadas cookies e a aceptación da nosa política de cookies, clique na ligazón para máis información. sobre as cookies

ACEPTAR