A cámara escura
III Certame de textos teatrais Roberto Vidal Bolaño 2020
Alicia comparte unha foto súa co seu crush. Con dezaseis anos hai moitos motivos que te obrigan a “compartir”. Pode recoller nunha foto toda a historia dunha dor? Pode borrarse unha foto e facelo coa dor tamén? Alicia envía unha foto e a instantánea vólvelle reenviada coma unha labazada. Alicia contra Alicia.
José Luis Baños de Cos preséntanos nesta peza un texto actual ao que se lle pode sentir o pulso da escena con diálogos áxiles a través dun rexistro de lingua próximo á mocidade. Porén, non faltan en A cámara escura referencias ao teatro clásico, como a figura do coro, transformado en grupo de WhatsApp, personaxe colectivo que revolve conciencias.
(Xerez da Fronteira, 1977). É autor de O círculo (Premio de Teatro Breve Jenaro Marinhas del Valle, 2018), Asfixia (Premio Abrente do MIT de Ribadavia, 2019), A cámara escura e Lume (Premios Roberto Vidal Bolaño, 2020 e 2022), El niño que se escondía dentro de una caja de galletas (Premio de Textos Teatrais dirixidos a Público Infantil da Escola Navarra de Teatro, 2021), Segunda morte (Premio Teatral Varela Buxán, 2021), Nas nubes (Premio Barriga Verde para textos de monicreques, na modali- dade de adultos, 2022), La vida interior de los seres planta (Premio Certame Internacional de Textos Teatrais Orlando Hernández Martín, 2023), Fóra de xogo (Galaxia, 2024) Premio Carlos Mosteiro 2023, A porta. Un relato de violencia (Premio Laudamuco para textos teatrais, 2024) e A letra pequena das cousas (Galaxia, 2024) Premio de Textos Teatrais Infantil Morales Martínez 2024).
Foto do autor: ©Eva Camba.
