Autor/a destacado/a:
Editorial Galaxia publica a antoloxía completa de Fiz Vergara Vilariño
16/09/19

Galaxia publica nestre tramo final do ano a antoloxía poética de Fiz Vergara Vilariño, escrita por Yago Rodríguez Yáñez. Un traballo necesario e unha gran escolma poética por parte do autor. Atopámonos ante un referente esencial, polo que hai que transitar para entender a nosa poesía actual. O poeta naceu e morreu na parroquia de Santalla de Lóuzara, no concello lugués de Samos (1953-1997). A súa poesía contiña un marcado carácter social, que foi derivando a un maior intimismo co tempo. Da súa primeira época destacan as obras Para vós (1971) e Encontro cos tiburóns (1973). A poesía paisaxística, amorosa e existencialista predomina dende Orfo de ti en terra adentro (1976). Desta tendencia son os poemarios Poeta muiñeiro á deriva (1982), Nos eidos da bremanza (Editorial Galaxia, 1990), Pastora de sorrisos (1993) e o póstumo Animal sen fel (1998). Formou parte do colectivo Cravo Fondo, xurdido en Santiago de Compostela en 1977. Foi un grupo poético que naceu cunha vontade renovadora, autodefinido como revolucionario, nacionalista e comprometido coa investigación creativa coa lingua e a literatura. Poetas da altura de Ramiro Fonte, Xesús Rábade Paredes, Xavier Rodríguez Barrio, Xulio López Valcárcel, Xesús Manuel Valcárcel, Helena Villar Janeiro e o propio Fiz Vergara Vilariño, dábanlle forma a esta sinerxía literaria. “Por Galicia, pola poesía, Cravo Fondo, verba nova para unha terra ceibe”. En 1977 publican Cravo Fondo, o seu único libro conxunto no que, en forma de manifesto, mostra a vontade de superación do socialrealismo epigonal, sen renunciar á historicidade nin caer no esteticismo. Saliéntase a necesidade de facer recitais non elitistas.  

Rolda de prensa de “Cartografías da narrativa galega contemporánea”

O día 7 de setembro, ás 11:00 h, celebrarase, na Sala Sarmiento do Pazo de San Roque, en Santiago de Compostela, unha rolda de prensa para presentar o libro gañador do Premio Ramón Piñeiro de Ensaio 2019, Cartografías da narrativa galega contemporánea, de Xaquín Núñez Sabarís. Acompañando o autor, asistirán ao encontro, Valentín García Gómez, secretario …

“O paraíso dos inocentes”, Premio Torrente Ballester 2019, en todas as librarías

Comeza a chegar a todas as librarías O paraíso dos inocentes, Premio Torrente Ballester 2019, de Antón Riveiro Coello. Trátase dunha novela envolvente, na liña doutras obras do autor, como As rulas de Bakunin e Laura no deserto, escrita desde o interior de personaxes que atravesan o horror cos ollos abertos e buscan un exorcismo …

Xaime Isla, o enxeñeiro da idea

“Xaime Isla. O enxeñeiro da idea” é o título do artigo que escribiu o noso Presidente, Antón Vidal Andión, na revista GRIAL. Sae publicado no número duplo da mesma, o cal está dedicado aos 70 anos de vida que celebra a Editorial Galaxia. Podedes lelo e descargalo premendo aquí. Antón Vidal achégase á historia da …

As vindeiras novidades de Galaxia

Na Editorial Galaxia xa estamos desexando que chegue setembro para que poidades gozar das mellores lecturas, para todos os públicos. Dentro da categoría de premios, está previsto que vexan a luz O paraíso dos inocentes, Premio Torrente Ballester 2019, de Antón Riveiro Coello, Flores de ferro, Premio García Barros 2020, de María Rei Vilas, e O enigma …

Sinaturas da Editorial Galaxia na Feira do Libro da Coruña

Xa está todo preparado para celebrar a Feira do Libro da Coruña, coas correspondentes medidas de seguridade, do 1 ao 10 de agosto, de 11:00 h a 14:00 h e de 18:00 h a 22:00 h, nos Xardíns de Méndez Núñez. Velaquí o programa de sinaturas no que participarán as autoras e autores da Editorial Galaxia: Día …

III Premio de Literatura Infantil Carlos Mosteiro

BASES 1º Poderán concorrer ó premio tódalas autoras e autores de calquera nacionalidade que presentaren os orixinais escritos en lingua galega (de conformidade coas vixentes Normas ortográficas e morfolóxicas do idioma galego aprobadas pola RAG) de obras de creación literaria dirixidas a nenas e nenos de 3 a 12 anos. As obras deberán ser inéditas …

Presentación de “A que cheiran as cores?”, na Pobra do Caramiñal

O día 31 de xullo, ás 20.30 h, celebrarase, no teatro cine Elma do Concello da Pobra do Caramiñal, a presentación de A que cheiran as cores? A esperada guía para coñecer o cerebro, Lista de Honra OEPLI 2020 e Premio Gala do Libro ao mellor libro de Divulgación Científica 2020, de Juan Casto Rivadulla Fernández. Acompañando …

Celebramos o 50 aniversario de “A esmorga” cunha Edición Conmemorativa

A Editorial Galaxia celebra o 50 aniversario da publicación da primeira edición de A esmorga no seu catálogo cunha Edición Conmemorativa ilustrada por Diego Estebo. Xa nas librerías de toda Galicia. A Esmorga publicouse por Editorial Galaxia en 1970, despois dunha primeira impresión na Arxentina en 1959, debido ás dificultades que presentaba a censura franquista para a …

A Editorial Galaxia celebra 70 anos

O pasado 25 de xullo de 2020, cúmprense 70 anos dende que se celebrou, no bodegón do hotel Compostela, en Santiago, a asemblea fundacional de Editorial Galaxia. Quen estaban alí albergaban un soño común, case imposible a ollos da época, pero que o tempo, 70 anos despois, demostrou a forza e o compromiso, individual e colectivo, …

A revista Grial publica un número dobre centrado nos 70 anos da Editorial Galaxia

Mañá, 25 de xullo, cúmprense sete décadas de vida da editorial. Estes días chega ás librerías de todo o país un número dobre da revista GRIAL centrada nos 70 anos da Editorial Galaxia. Mañá, Día de Galicia, a editora cumpre sete décadas de vida. A publicación, dirixida actualmente por Henrique Monteagudo e con Francisco Castro …


CATEGORIAS

AUTORES/AS

LIGAZÓNS DE INTERES

Fields marked with an * are required

Subscríbete ao noso

BOLETÍN DE NOTICIAS

Uso de cookies

Este sitio web utiliza cookies para que vostede teña a mellor experiencia de usuario. Se continúa navegando está dando o seu consentimento para a aceptación das mencionadas cookies e a aceptación da nosa política de cookies, clique na ligazón para máis información. sobre as cookies

ACEPTAR