Peixes e mariscos. As receitas de Benigno Campos
Menu
Menu
ESGOTADO
Con 30 segredos do cociñeiro
Así titula Paula Cermeño a entrevista que introduce o terceiro libro de Benigno Campos: Volve a cociña de Larpeiros, a nova entrega do máis popular e seguido dos cociñeiros galegos, responsable dun éxito editorial sen precedentes no mercado editorial galego.
Volve a cociña de Larpeiros con máis de 120 novas receitas de cociña tradicional de Galicia, receitas das nosas nais e avoas. Pratos que, como di Benigno Campos, tamén serven para moito máis que comer, pois son unha "oportunidade de falar, de encontrarse".
Con este terceiro libro, as lectoras e lectores de bo padal poderán, sumando as receitas dos dous libros anteriores (A cociña de Larpeiros e Novas receitas da cociña de Larpeiros), dispor de pratos para todos os días do ano sen ter en ningún momento unha sensación de rutina. A amplísima variedade de produtos e xeitos de preparalos completan un extraordinario catálogo gastronómico.
Na cociña, a suma de ingredientes non dá sempre o mesmo resultado. Algo misterioso ocorre nas cazolas para que o mesmo prato non saiba igual aínda que dúas persoas dean os mesmos pasos na súa preparación. Ese misterio é a "man" de cada cociñeira e de cada cociñeiro. E nesta nova entrega o autor revélanos 30 segredos da súa "man" para que os seus seguidores poidan achegarse ao saboroso resultado que logra Benigno Campos coas súas preparacións. Eses pequenos, mais imprescindibles consellos que dan o punto final a cada prato.
Os larpeiros están en boa hora!
Benigno Campos naceu en Chapela. Durante 39 anos traballou nunha empresa da construción naval. Foi en Madrid, no ano 1971, mentres estaba a cumprir o servizo militar, cando comezou a afeccionarse á cociña grazas a súa amiga Tonina, tamén de Chapela.
Esta afección levouno a ser un dos integrantes do exitoso programa de cociña da Televisión de Galicia Larpeiros. Co seu libro de receitas, A cociña de Larpeiros, pretende cumprir coa demanda dun gran número de seguidores do programa. Publicou moitos outros títulos, entre os que destacan os seguintes: Novas receitas da cociña de Larpeiros (2010), Onde mercan os Larpeiros (2011), Volve a cociña de Larpeiros (2010), Cociñando con Benigno Campos (2014) e Peixes e mariscos. As receitas de Benigno Campos (2016).
