Estás aquí:

Código: 2731

Unha nova Olanda. De Ferrol ao Porto: as cidades galegas e o norte de Portugal no escenario global

Baamonde, Antón

21,60 € IVE INCLUIDO

Galicia ten que pensarse como unha única cidade con varios nós.

Un diamante con vértices nas súas sete grandes cidades. A trama urbana do país, ese heptágono fenomenal, está inmersa en procesos planetarios, onde as súas grandes empresas teñen a mirada posta en horizontes globais que son fiestras de oportunidade. Galicia terá un horizonte se sabe combinar co Norte de Portugal un eixe atlántico que sexa un imán de atracción de investimentos, poboación, recursos e talento. A Galicia vénlle ben unha España en rede que tome en consideración a Portugal, onde o seu futuro será urbano, ou non, o que non é unha idea novidosa, pois xa Antolín Faraldo reclamaba no século XIX unha gran cidade como modo de promover o progreso e rachar o dominio das vellas elites. Cada cidade galega ten o seu propio carácter. As identidades urbanas —A Coruña, Vigo, Santiago…— son un país ignoto por explorar.

Comparte nas túas redes sociais ou por email

Detalles do libro

Páxinas: 220

Deseño: Rústica con lapelas

Data Publicación:

Dimensións 135 x 210 mm.

Colección: Ensaio

Nº na colección: 110

Edición: 1ªª

Editorial: Galaxia

ISBN: 978-84-9151-727-6

Observacións:

AUTORES/AS

Baamonde, Antón

(Vilalba, 1959) é licenciado en Filosofía. Ensaísta e articulista, é autor dunha obra onde o literario e o filosófico se funden en libros como Sobre o tempo (1990) e A rosa sen porqué (1997), publicadas en Editorial Galaxia.

Heterodoxo de si mesmo, intenta non repetirse, por iso, noutros traballos mirou pola fiestra o que pasaba e debuxou unha visión da sociedade galega: socioloxía a machado cunhas pingas de costumismo e leve ironía. Diletante e afeccionado ás venalidades e bagatelas, pensa o que pensa, e non o que os demais queren que pense.

O seu último ensaio publicado en Editorial Galaxia foi Unha nova Olanda (2021), onde defende que as cidades son “un estado de ánimo”, e propón un modelo de futuro para Galicia baseado na interconexión da súas urbes con con Portugal.