Un verán en Galicia
Menu
Menu
Un libro de principios do século XX que ofrece interesantes reflexións sobre os trazos distintivos que fan de Galicia un país con personalidade propia.
Nesta preciosa colección que é "Galicia no espello" e na que podemos descubrir cómo viaxeiros estranxeiros viron o noso país, publícase agora este libro da escritora inglesa C. Gasquoine Hartley. Galicia produciulle unha especial fascinación a esta boa coñecedora de España e autora de varios libros sobre artistas e pintores españois. Publicado orixinalmente en inglés no ano 1911, este libro non se limita a describir a Galicia de principios de século, senón que intenta afondar mediante interesantes reflexións nos trazos distintivos que fan da nosa terra un país con fasquía e personalidade propias.
Catherine Gasquoine Hartley, nada en Antananarivo (Madagascar) en 1866 ou 1867 e finada en Guildford o 9 de xuño de 1928, foi unha escritora e historiadora da arte británica.
Entre as súas obras destacan Pictures in the Tate Gallery (1904), A Record of Spanish Painting (1904), The Weaver’s Shuttle (1905), Spain Revisited: a Summer Holiday in Galicia (1911), The Cathedrals of Southern Spain (1913), The Position of Women in Primitive Society (1914), Motherhood and the Relationships of the Sexes (1917), Woman’s Wild Oats: Essays on the Re-fixing of Moral Standards (1919), Divorce (Today and Tomorrow) (1921),Mind of the Naughty Child (1923) e Women, Children, Love and Marriage.
