Galicia vista por un inglés

Aubrey Fitz Gerald Bell

ESGOTADO

Foi publicado por primeira vez en Londres, no ano 1922, baixo o título Spanish Galicia. Bell escribiu este sorprendente libro despois de pasar un verán viaxando por Galicia. O autor propúxose dar a coñecer e, ó tempo, reivindicar unhas terras e unhas xentes que seguían a ser víctimas dos tópicos negativos, do illamento e do olvido. Esta crónica viaxeira ocúpase fundamentalmente da descrición da Galicia dos anos vinte, das súas paisaxes, as súas cidades e os seus modos de vida, pero está tamén salferida de observacións da grande agudeza sobre aspectos da historia, a economía, a lingua, a relixión e a mentalidade galegas. O resultado é un libro que apunta ó pracer do lector tanto como á súa reflexión intelixente sobre os cambios e as permanencias e sobre problemas que aínda hoxe non deron achado as súas vías de solución.

Recensións


Detalles

  • Páxinas : 220
  • Deseño : Cartoné
  • Dimensións : 150 x 234
  • Data Publicación : 1994-04-01
  • Colección : Galicia no espello (Viaxes)
  • Editorial : Galaxia
  • ISBN : 978-84-7154-892-4
  • Edición : 1
  • Nº na colección :
  • Observacións : ESGOTADO

Noticias relacionadas


Obras do autor en catálogo


Actividades relacionadas


Novidades

O cemiterio de barcosFrancisco Castro
Aura 1964Ignacio Vilar
Viches iso?José Arcas
Grial 230 VV.AA.

Autor/a

Bell, Aubrey F. G.
Naceu no ano 1881 no condado de Cumberland (Inglaterra), o mesmo lugar no que morrería en 1950. Estudou en Oxford, onde se familiarizou coa cultura greco-latina e coas literaturas italiana e francesa. Foi precisamente vivindo no sur de Francia cando empezou a interesarse polas culturas ibéricas. Aprendeu basco e iniciou as súa viaxes por España e Portugal en calidade de corresponsal do diario Morning Post. A súa identificación con estes dous paises levouno a residir neles durante amplos períodos de tempo e a afondar na súa historia e nas súas culturas. Entre a súa extensa bibliografía destacan os seus estudios e traducións ó inglés de Gil Vicente e Fray Luis de León, os seus ensaios sobre literatura portuguesa e castelá e traballos de divulgación como El Renacimiento español. Peregrino e viaxeiro das terras de España é un dos maiores expertos no coñecemento das terras extremeñas e de Frai Luís de León. Ten diferentes publicacións sobre ambos temas e diferente bibliografía de viaxes. Da súa viaxe galega deixonounos Galicia vista por un inglés.


Uso de cookies

Este sitio web utiliza cookies para que vostede teña a mellor experiencia de usuario. Se continúa navegando está dando o seu consentimento para a aceptación das mencionadas cookies e a aceptación da nosa política de cookies, clique na ligazón para máis información. sobre as cookies

ACEPTAR