Galicia vista por un inglés
Menu
Menu
ESGOTADO
Foi publicado por primeira vez en Londres, no ano 1922, baixo o título Spanish Galicia. Bell escribiu este sorprendente libro despois de pasar un verán viaxando por Galicia. O autor propúxose dar a coñecer e, ó tempo, reivindicar unhas terras e unhas xentes que seguían a ser víctimas dos tópicos negativos, do illamento e do olvido. Esta crónica viaxeira ocúpase fundamentalmente da descrición da Galicia dos anos vinte, das súas paisaxes, as súas cidades e os seus modos de vida, pero está tamén salferida de observacións da grande agudeza sobre aspectos da historia, a economía, a lingua, a relixión e a mentalidade galegas. O resultado é un libro que apunta ó pracer do lector tanto como á súa reflexión intelixente sobre os cambios e as permanencias e sobre problemas que aínda hoxe non deron achado as súas vías de solución.
Naceu no ano 1881 no condado de Cumberland (Inglaterra), o mesmo lugar no que morrería en 1950. Estudou en Oxford, onde se familiarizou coa cultura greco-latina e coas literaturas italiana e francesa. Foi precisamente vivindo no sur de Francia cando empezou a interesarse polas culturas ibéricas. Aprendeu vasco e iniciou as súa viaxes por España e Portugal en calidade de corresponsal do diario Morning Post. A súa identificación con estes dous paises levouno a residir neles durante amplos períodos de tempo e a afondar na súa historia e nas súas culturas. Entre a súa extensa bibliografía destacan os seus estudios e traducións ó inglés de Gil Vicente e Fray Luis de León, os seus ensaios sobre literatura portuguesa e castelá e traballos de divulgación como El Renacimiento español.
Peregrino e viaxeiro das terras de España, é un dos maiores expertos no coñecemento das terras extremeñas e de Frai Luís de León. Ten diferentes publicacións sobre ambos temas e diferente bibliografía de viaxes.
Da súa viaxe galega deixonounos Galicia vista por un inglés.
