Carballude, Pepe
Naceu na aldea de Rubín (A Estrada) no ano 1956. É profesor de latín nun instituto de ensino medio na provincia da Coruña. Á parte da obra relacionada co seu traballo profesional, na que destacan algunhas traducións de poetas latinos, está entregado fundamentalmente á literatura infantil e xuvenil, que cultiva con entusiasmo e dedicación. En 1988 publicou o conto titulado O xílgaro Pintor. É autor tamén da noveliña titulada Os gazafellos, premio Barco de Vapor 1986, así como dos libros titulados Mimos e máis mimos, S.O.S, Investigación 091 e Andainas de Pedro Chosco. SOS, Maldito DNI, Andrea quere ser maior, Paisaxe con fondo gris e De como o Santo dos Croques se fai peregrino, co que obtivo o Premio Barco de Vapor 2002.