O violino de Luísa
Letras galegas 2024
O silencio apoderouse da Coruña. O vento e os reloxos enmudeceron. O mar, calmo, semella de chumbo. Non se oen nin as cantigas das redeiras na praia, nin as coplas dos mariñeiros nas tabernas antes de regresar á casa.
A Música e a Poesía desapareceron para asombro e tristura de toda a veciñanza. A nena Luísa Villalta e o seu inseparable compañeiro, Violino, inician unha emocionante aventura percorrendo ruelas e recunchos da cidade para resolver o misterio e devolver á cidade a súa alegría e bulicio.
Cantante, compositora, produtora e escritora. Dirixe a compañia cultural infantil Oviravai, coa que publicou tres libros en Editorial Galaxia: As andanzas de Paio (2016), Paio e o poder da música (2018) e A miña lingua, a túa lingua (2021).
Dende hai moito tempo dedícase a levar palabras, sorrisos e música por todos os recunchos do país, convencida de que é a mellor maneira de facer do mundo un lugar mellor.
