princ

12,75€

mercar

O principiño

Antoine de Saint-Exupèry

Un libro para todas as idades repleto de melancolía, fantasía, misterio e sabedoría, que o converten nunha obra mestra.

Este é un libro fundamental da literatura universal. Trata da historia dun neno, príncipe nun planeta sen xente, que un día abandona o seu reino desenganado dunha flor da cal está enamorado. Na viaxe que emprende por distintos planetas coñece sucesivamente a un rei, un vaidoso, un bebedor, un home de negocios, un faroleiro e un xeógrafo. Finalmente chega á terra, onde atopa a unha flor, un raposo, un garda-agullas, un comerciante e un aviador caído no deserto que trata de arranxar a avería do motor do seu avión. O home e o neno falan e fanse amigos, pero o pequeno quere volver ó seu planeta, onde está a súa flor, e déixase morder por unha serpe velenosa. Non é este o episodio menos enigmático e misterioso dun libro que todo el é un puro misterio. A tradución galega de Carlos Casares é hoxe considerada unanimemente como unha auténtica xoia literaria.

Recensións


Detalles

  • Páxinas : 132
  • Deseño : Rústica
  • Dimensións : 130 x 200
  • Data Publicación : 2013-01-21
  • Colección : Árbore a partir de 12 anos
  • Editorial : Galaxia
  • ISBN : 978-84-9865-034-1
  • Edición : 7

Noticias relacionadas

#gustameoprincipiñopor2013-03-05 11:35:49

Obras do autor en catálogo


Actividades relacionadas


Novidades

9788491517122Viches iso?José Arcas
grial-230Grial 230 VV.AA.
9788491517108Notas sobre a extinciónMarta Dacosta Alonso
9788491516507Anacos da vidaVíctor Rivas
9788491517115O asubío do avóÁngeles Goás

exupery

Saint-Exupèry, Antoine de
Antoine de Saint-Exupéry naceu en Lyon, Francia, en 1900. Foi piloto de aviación e contribuíu a establecer a comunicación aérea entre Bos Aires e París. Acadou fama, sen embargo, pola súa obra literaria. En 1929 publicouse o seu primeiro libro, Correo do Sur, ó que seguiron Voo nocturno (1931) e Piloto de guerra (1942), entre outros. O seu maior éxito conseguiuno cunha pequena obra mestra, aparecida por primeira vez en Francia en 1943 e logo traducida a un gran número de linguas: O Principiño. Durante a II Guerra Mundial, Saint-Exupéry incorporouse na forza aérea francesa do exilio, no norte de África. O 31 de xullo de 1944 despegou para unha misión da que nunca volvería.


Uso de cookies

Este sitio web utiliza cookies para que vostede teña a mellor experiencia de usuario. Se continúa navegando está dando o seu consentimento para a aceptación das mencionadas cookies e a aceptación da nosa política de cookies, clique na ligazón para máis información. sobre as cookies

ACEPTAR