40,20€

mercar

O lecer das augas. Historia dos balnearios en Galicia. 1700-1936

Luís Alonso Álvarez

Elvira Lindoso Tato

Margarita Vilar Rodríguez

"A peripecia histórica dos balnearios galegos, reconstruída e contada con precisión erudita
e elegancia literaria"

Nestas breves palabras, tiradas do limiar de Ramón Villares, sintetízase con claridade o obxectivo de O lecer das augas. Historia dos balnearios de Galicia. 1700-1936, minucioso e rigoroso traballo de investigación histórica, patrocinado pola Asociación de Balnearios de Galicia e mais pola Cámara Oficial Mineira de Galicia, sobre as orixes e a evolución histórica dun sector con longa tradición na nosa comunidade, e que axudará a repensar o futuro duns servizos que supoñen unha riqueza de extraordinaria importancia para a nosa terra.

É no o século XVIII cando se recupera a práctica dos baños termais, coa redescuberta das caldae romanas, combinada coa difusión das novas ideas sobre a saúde corporal que introducen as correntes ilustradas e europeizantes. Partindo dese tempo, Luís Alonso, Elvira Lindoso e Margarita Vilar estudan os principais establecementos balnearios (A Toxa, Arteixo, Cuntis, Dávila e Acuña, Caldelas de Tui, O Carballiño e Partovia, Carballo, Cortegada, Guitiriz, as Termas de Lugo, Baños de Molgas, Mondariz, O Incio e Verín), ata chegar aos anos de esplendor anterior á Guerra Civil.

Un libro fundamental para coñecer e entender mellor o conxunto da Historia de Galicia.

Recensións


Detalles

  • Páxinas : 520
  • Deseño : Capa dura
  • Dimensións : 210 x 240 mm.
  • Data Publicación : 2011-02-10
  • Colección : Reportaxe
  • Editorial : Galaxia
  • ISBN : 978-84-9865-350-2
  • Edición : 1

Noticias relacionadas


Obras do autor en catálogo


Actividades relacionadas


Novidades

Taracea marroquí 1935Eduardo Blanco Amor
Obra dramáticaÁlvaro de las Casas
Ensaios sobre GaliciaXohán Vicente Viqueira
Os camiños da vidaRamón Otero Pedrayo

Alonso Álvarez, Luís
Luís Alonso Álvarez é catedrático de Historia Económica na Facultade de Economía e Empresa da Universidade da Coruña. onde tamén coordina o Grupo de Estudos de Historia da Empresa. Codirector da revista Illes i Imperis (Universidade Pompeu Fabra de Barcelona), entre as súas publicacións máis recentes salienta As tecedeiras do fume. Historia da Fábrica de Tabacos da Coruña (1998).

Lindoso Tato, Elvira
Elvira Lindoso Tato é profesora da área de Historia e Institucións Económicas no Departamento de Economía Aplicada I da Universidade da Coruña. Autora de Los pioneros gallegos. Bases del desarrollo empresarial 1820-1913 e Construyendo empresas. La trayectoria de los emprendedores coruñeses en perspectiva histórica, 1717-2006 (2008), en colaboración con L. Alonso e M. Vilar.

Vilar Rodríguez, Margarita
Margarita Vilar Rodríguez é profesora na Facultade de Economía e Empresa da Universidade da Coruña. Autora de Los salarios del miedo. Mercado de trabajo y crecimiento económico en España durante el franquismo (2009) e coautora (con L. Alonso e E. Lindoso) da obra Construyendo empresas. La trayectoria de los emprendedores coruñeses en perspectiva histórica, 1717-2006 (2008) e (J. C. Maixé e E. Lindoso) El ahorro de los gallegos. Orígenes e historia de Caixa Galicia (1876-2002)(2003).


Uso de cookies

Este sitio web utiliza cookies para que vostede teña a mellor experiencia de usuario. Se continúa navegando está dando o seu consentimento para a aceptación das mencionadas cookies e a aceptación da nosa política de cookies, clique na ligazón para máis información. sobre as cookies

ACEPTAR