Estás aquí:

Código: 479

Noire Compostela

Riestra, Blanca

15,90 € IVE INCLUIDO

Premio de novela por Entrgas La Voz de Galicia 2016

En Internet hai algo profundo, algo fondo, maligno. Sen sabelo, convivimos cun pozo insondable, ignoramos o que se agocha nel. Noire Compostela iníciase cunha conversa entre un estudante, Xurxo, e Dafne, que traballa como camareira nun dos bares da zona vella compostelá. A partir de aquí, a trama enguedéllase nunha espiral de segredos imprevisibles e misterios de consecuencias arrepiantes cuxa orixe se remonta no tempo. Os enigmas que envolve a chamada Internet profunda parecen asolagar tamén a cidade nunha realidade ata daquela oculta, a dunha Compostela negra que abrolla dun xeito violento e inesperado. O inspector Touriñán e os axentes especializados en delitos cibernáticos van intentar sacar á luz ese submundo fantasmagórico e virtual que -coma antonte o escurantismo e o cheiro a incenso- invade silenciosamente o ventre pétreo da cidade.

Comparte nas túas redes sociais ou por email

Detalles do libro

Páxinas: 136

Deseño: Rústica con lapelas

Data Publicación: 25/10/2016

Dimensións 135 x 210 mm.

Colección: Literaria

Nº na colección:

Edición: 1ª

Editorial: Galaxia

ISBN: 978-84-9865-737-1

Observacións:

AUTORES/AS

Riestra, Blanca

(A Coruña, 1970) é autora das novelas Anatol y dos más (1996), La canción de las cerezas (2001, premio Ateneo Joven de Sevilla), El Sueño de Borges (2005, premio Tigre Juan), Todo lleva su tiempo (2007, finalista do premio Fernando Quiñones), Madrid Blues (2008), La noche sucks (2010), Vuelo diurno (2012), Pregúntale al bosque (2013, premio Ciudad de Barbastro), Greta en su laberinto (2015, premio Torrente Ballester), Noire Compostela (2016, premio de novela por entregas de La Voz de Galicia), Últimas noches del edificio San Francisco, (2020, premio Ateneo de Sevilla) e do poemario Una felicidad salvaje (2010).

Doutora en Filoloxía Hispánica pola Universidade de Borgoña cunha tese sobre o poeta Juan Larrea, foi directora do Instituto Cervantes de Albuquerque (Estados Unidos), directora literaria da colección “Versión Celeste” da editorial francesa Orbis Tertius, profesora universitaria e, na actualidade, traballa como profesora de secundaria no IES Neira Vilas de Oleiros (A Coruña).