Estás aquí:

Código: 2008

No país do Nunca Máis

Lobato, Xurxo

34,50 € IVE INCLUIDO

Este libro quere ser a crónica visual do movemento xerado arredor de Nunca Máis dende o ano 2002 e grande parte do 2003, e dos que fixeron das palabras dignidade e solidariedade unha inmensa marea.

Velaquí unha ollada sobre os feitos. A crónica dun acontecemento que nos conmocionou e que de seguro ha significar un antes e un despois para moitas galaegas e galegos. A realidade é segundo a percibimos e segundo a ordenamos nas nosas emocións e sentimentos. Fica con este libro o testemuño do que aconteceu. Diante da catástrofe o país reaccionaba.

No país do Nunca Máis é un libro de fotoxornalismo que inaugura unha nova colección en Galaxia, a colección Reportaxe. Unhas fotos que son testemuño do meirande movemento cívico que permanecerá en todos nós ao longo dos anos. Un libro feito coas emocións e a honestidade das emocións.

Nomes como Manolo Rivas, Antón Losada, Anxo Quintana, Ramón Chao, Ernesto Sánchez Pombo, Antón Reixa, Ignacio Ramonet, Mario Bennedetti, Xavier Queipo ou César Antonio Molina entre outros aportan os seus textos a este libro para deixar constancia do seu apoio ao movemento Nunca Máis.

Comparte nas túas redes sociais ou por email

Detalles do libro

Páxinas: 176

Deseño: Rústica

Data Publicación: 01/11/2003

Dimensións 240 x 210 mm.

Colección: Reportaxe

Nº na colección:

Edición: 3ª

Editorial: Galaxia

ISBN: 978-84-8288-616-9

Observacións:

AUTORES/AS

Lobato, Xurxo

Naceu na Coruña en 1956 e é licenciado en Xeografía e Historia. Académico da Real Academia Galega de Belas Artes. A súa actividade como fotógrafo de prensa iniciouse en 1977. Dende entón colaborou en medios escritos de Galicia, do Estado e internacionais. Na actualidade colabora con El País. Recoñecido como un dos máis importantes fotógrafos galegos dos últimos anos, traballou de forma intensa en retratar a realidade de Galicia, e tamén doutros lugares. Algúns dos seus traballos amosáronse en numerosas exposicións e mais de cuarenta libros individuais, entre os que destacan títulos como Galicia camiño celeste, El camino de Santiago, Peregrinaxes, ou No país do Nunca Máis, sobre a catástrofe do Prestige.