Molloy
Menu
Menu
ESGOTADO
Autor dunha das obras máis orixinais e senlleiras do século XX, Samuel Beckett (Dublín, 1906-París, 1989) publicou Molloy no ano 1951.
Escrita en lingua francesa, coma a meirande parte da súa obra, a novela procura a resposta a unha incógnita que nunca chega a resolverse, é unha investigación sen obxectivo e unha fuxida cara a un refuxio en realidade inexistente. Primeiro en bicicleta, provisto de muletas despois, e ao final reptando, Molloy marcha en busca da súa nai. Pola súa banda, o detective Moran recibe a orde de atopar a Molloy. As dúas traxectorias dan pé a unha exploración intensa da linguaxe, adéntranse no camiño da desposesión e da aceptación da perda como parte fundamental da vida.
Poeta, novelista e destacado dramaturgo do teatro do absurdo. De orixe irlandesa, en 1969 foi galardonado co Premio Nobel de Literatura. A súa influencia en dramaturgos posteriores, sobre todo naqueles que seguiron os seus pasos na tradición do absurdo, foi tan notable coma o impacto da súa prosa.
