Menos que humano
Texto traducido por Gabriel Álvarez Martínez
Por medio de tres fotografías e varios documentos autobiográficos que caen en mans do narrador, revélansenos algúns episodios da infancia e da mocidade de Yozo Oba, un inadaptado nato, benxamín dunha podente familia de provincias que cuestiona, desde a máis tenra idade, a hipocrisía, as incongruencias e todo o negativo que para el a humanidade comporta. Na súa incapacidade de comprender os demais, a única forma de se manter incólume é adaptar o papel dun bufón que busca a gargallada fácil de quen o rodea. Na adolescencia, un compañeiro de escola pon ao descuberto a súa farsa e fai dous vaticinios que marcarán a súa vida dun modo aciago. Pouco despois, o protagonista múdase a Toquio para proseguir os seus estudos, onde, traizoará as expectativas paternas e caerá nunha espiral de alcol, mulleres e comportamentos destrutivos.
A gran novela de Osamu Dazai (1909-1948), un dos máis relevantes escritores da literatura xaponesa da primeira metade do século XX, malia a súa curta e azarosa vida.
(Kanagi, 1909-Tokio, 1948), pseudónimo de Tsushima Shuji, é un dos escritores modernos más apreciados no Xapón. Oitavo fillo dun rico terratenente do norte del país, estudou Literatura francesa na Universidade de Toquio. Nos anos trinta militou nos movementos comunistas clandestinos, polo que foi encarcerado e torturado polo réxime militar. Autor de varios libros de relatos e novelas, foi candidato ao Premio Akutagawa, mais o seu recoñecemento non lle chegaría ata despois da Segunda Guerra Mundial, na que non participou a causa dunha tuberculose, coa publicación da novela Ocaso.
Desherdado polo pai a causa dunha relación cunha geisha de baixo rango e angustiado pola súa adicción á morfina e ao alcol, tentou suicidarse en varias ocasións. En 1948, poucos meses despois da publicación de Menos que humano suicidouse coa súa amante en Toquio, guindándose á canle de Tamagawa. Os seus corpos acháronse, atados coa corda vermella dos amantes suicidas, seis días despois, o 19 de xuño, día en que Dazai faría trinta e nove anos.
