Estás aquí:

Código: 291

Infancia e desventura de Lino Carrán

Miranda, Xosé

17,40 € IVE INCLUIDO

Unha grande metáfora, épica e lírica á vez, sobre a nosa vida, a nosa historia e os nosos soños.

É esta unha novela coa que Xosé Miranda afonda na temática marabillosa que define boa parte da súa obra. O lector habitará neste relato un universo aínda non desencantado nin sometido ás leis da razón, poboado por seres míticos procedentes do folclore tradicional galego. Unha novela complexa e ateigada de suxestións.

Comparte nas túas redes sociais ou por email

Detalles do libro

Páxinas: 200

Deseño: Rústica

Data Publicación: 01/04/2000

Dimensións 135 x 210 mm.

Colección: Literaria

Nº na colección:

Edición: 1ª

Editorial: Galaxia

ISBN: 978-84-8288-346-5

Observacións:

AUTORES/AS

Miranda, Xosé

Xosé Miranda (Lugo, 1955) estudiou bioloxía e é profesor de ensino medio na súa cidade natal. Incorporouse á literatura galega a través do premio de relatos breves Modesto R. Figueiredo, no que foi distinguido en 1988 e 1989. Xa en 1990 conseguiu o premio Manuel García Barros por Historia dun paraugas azul (1991), unha novela de impronta cunqueiriana que suscitou un grand einterese entre a crítica. Despois publicou a colección de relatos A biblioteca da iguana (1994) e, en 1999, coa novela Morning Star obtivo o premio Xerais. Tamén é coautor, xunto con A. Reigosa e X. R. Cuba, da serie Contos marabillosos e do Diccionario dos seres míticos galegos. Xosé Miranda dedícase, ademais da narrativa, tamén á poesía, xénero no que se insiren os libros Amantes e viaxeiros (1996, Premio Eusebio Lorenzo Baleirón), Sonetosfera (1996), Carozo azul (1996) e Permiso para o corso (1997, Premio Esquío). En 2006 publica con Galaxia Lúa e os nubeiros.