Emaús
Menu
Menu
Cunha prosa límpida e directa, Baricco escribe unha novela sobre a perda da inocencia e a descuberta arrepiante do verdadeiro.
Un grupo de rapaces de dezaseis e dezasete anos -Bobby, o Santo, Luca e o narrador- quedan engaiolados por Andre, unha moza cuxa personalidade e capacidade de atracción sexual vai condicionar o resto das súas vidas.
Malia as obsesións fomentadas pola súa educación católica, os protagonistas de Emaús van explorar ese territorio de ninguén que está situado alén do ben e do mal.
Alessandro Baricco (Turín, 1958) é autor de seis novelas, coas que obtivo numerosos premios literarios, entre eles o Premio Médicis Étranger en France e os Campiello, Viareggio e Palazzo del Bosco en Italia. Sobre a súa novela Seda, publicada en galego por Rinoceronte, realizouse en 2007 unha película dirixida por François Girard e protagonizada por Michael Pitt e Keira Knightley.
