Eles e mais eu. Compostelaneando

Xosé Luís Bernal López (Farruco)

A vida que rodeou e rodea a Xosé Luís, a Bernal, Farruco,

é Santiago, é Compostela, e, como compostelán, neste libro fálanos da súa relación coa cidade a través dos personaxes máis destacables e curiosos do seu tempo, cunha ollada capaz de crear historias que merecen ser contadas.

Historias dunha cidade, dun país e dun tempo, e de personaxes como Maruxa e Coralia (as Marías), Modesto el Churrero, Franco del Carro, Zapatones…

E tamén de si mesmo, do propio Xosé Luís Bernal, de Farruco.

Recensións


Detalles

  • Páxinas : 132
  • Deseño : Rústica con lapelas
  • Dimensións : 240 x 210
  • Data Publicación : 01/06/2020
  • Colección : Reportaxe
  • Editorial : Galaxia
  • ISBN : 978-84-9151-463-3
  • Edición :
  • Nº na colección : 20
  • Observacións :

Noticias relacionadas


Obras do autor en catálogo


Actividades relacionadas


Novidades

Taracea marroquí 1935Eduardo Blanco Amor
Obra dramáticaÁlvaro de las Casas
Ensaios sobre GaliciaXohán Vicente Viqueira
Os camiños da vidaRamón Otero Pedrayo

Autor/a

Bernal López, Xosé Luís (Farruco)
Xosé Luís Bernal López, Farruco (Santiago de Compostela, 1942). Sendo ben noviño subiu a un estrado e xa non volveu baixar. Presentou festivais, animou concursos, organizou certames, pronunciou pregóns, esconxurou queimadas, fixo teatro, recitou poemas e, co seu personaxe Farruco, a súa creación máis notable, percorreu Galicia, de cabo a chicote, por festas e romarías, e levoulle unha mensaxe de humor e de nostalxia a moitos Centros Galegos de España, Europa, América e do Continente Australiano. Aos dezaoito anos agarrou un micrófono e xa non o volveu soltar: Falou polos da SER, Radio Galega, Onda Cero, Radio Voz... E para que a súa mensaxe chegase máis lonxe e a máis lugares, editou catro producións discográficas: Caralladas, Farrucadas, Trapalladas e Gargalladas. Pola década dos oitenta atrapouno unha cámara de televisión e non o deixou escapar: participou e protagonizou series, programas, reportaxes, concursos, entrevistas… As cámaras do cine tamén o captaron e o exhibiron con éxito. E hoxe en día, no descanso do guerreiro, dáselle por escribir.


Uso de cookies

Este sitio web utiliza cookies para que vostede teña a mellor experiencia de usuario. Se continúa navegando está dando o seu consentimento para a aceptación das mencionadas cookies e a aceptación da nosa política de cookies, clique na ligazón para máis información. sobre as cookies

ACEPTAR