Piñeiro, Ramón
O filósofo e político Ramón Piñeiro (1915-1990) xogou un papel básico na política e a cultura galega do século XX, especialmente dende a posguerra. Foi fundador de Editorial Galaxia e codirector de Grial. Como autor, adoptou preferentemente unha perspectiva filosófica, dende a que abordou o tema da saudade, en obras como Filosofía da saudade.

Foi o autor homenaxeado no Día das Letras Galegas do ano 2009.

Losada, Basilio
Basilio Losada Castro (Pobra de San Xiao, Láncara, 1930) vive desde 1939 en Barcelona, onde desenvolveu unha intensa actividade docente como profesor de Lingua e Literatura galegas na universidade. Tradutor de galego, alemán, catalán e, sobre todo, portugués para o castelán, crítico literario, é autor dos libros Goya, Galicia, O camiño de Santiago, e de varias antoloxías comentadas de poesía galega, amais da novela La peregrina.
En 2015 foi nomeado Académico de Honra pola RAG