Estás aquí:

Código: 714

De catro a catro

12,90 € IVE INCLUIDO

O poemario máis emblemático da vangarda galega, un exercicio de modernidade que nos anos vinte levou á nosa poesía máis lonxe do que nunca antes chegara.

Manuel Antonio deu ao prelo en 1928 un dos libros capitais da poesía galega. No seu momento supuxo o maior pulo para a renovación da nosa lírica. Escrito durante dúas travesías marítimas do autor nos anos anteriores, o mar é protagonista dun poemario que rompe coas formas e estilos máis tradicionais das nosas letras. De catro a catro, o único libro que publicou en vida, é a obra cume do seu autor e un dos exercicios poéticos máis influíntes na literatura galega posterior.

Comparte nas túas redes sociais ou por email

Detalles do libro

Páxinas: 116

Deseño: Rústica

Data Publicación: 01/07/2001

Dimensións 135 x 200 mm.

Colección: Dombate (Poesía

Nº na colección:

Edición: 2ª

Editorial: Galaxia

ISBN: 978-84-8288-203-1

Observacións:

AUTORES/AS

Manuel Antonio

Manoel Antonio viviu os primeiros trinta anos do século XX e convertiuse no mellor expoñente das vangardas en Galicia. El asimilou os novos aires que chegaban de Europa e de Hispanoamérica, creando unha poesía á vez moderna e axeitada á realidade do país. Co manifesto ¡Máis alá!,asinado a medias con Álvaro Cebreiro, expuxo as súas intencións rupturistas. O libro De catro a catro é o cumio da súa obra poética.

As súas obras

De catro a catro

12.90€ CON IVE

González, Helena

Helena González Fernández (Vigo, 1967). Licenciada en Filoloxía Galega, traballou no servizo de normalización lingüística da USC e como profesora de Lingua e Literatura Galega en Pontevedra. Na actualidade exerce como profesora de Filoloxía Galega na Universidade de Barcelona.

Ensaísta, publicou varios estudios sobre a obra de Manuel Antonio e Luís Seoane, ademais de colaborar en xornais e revistas especializadas. Pertence ao consello de redacción do «Anuario Grial de Estudos Literarios Galegos», onde colabora desde 1992 cunha panorámica anual de poesía, e mais «Lectora. Revista de Dones i Textualitat». Na actualidade desenvolve o seu labor como crítica literaria en Grial.