A rosa de ninguén

Non dispoñible

A rosa de ninguén

Paul Celan

Por primera vez publícase en galego un poemario completo de Paul Celan, un dos grandes poetas do século XX. A colección Dombate, que Editorial Galaxia dedica á poesía, inclúe entre os seus títulos unha das obras máis cativadoras e emocionantes da literatura contemporánea, A rosa de ninguén.

Orixinalmente publicado en alemán no ano 1963, este poemario contén algunhas das composicións fundamentais de Celan e aparece agora nunha edición bilingüe, traducido para o galego por Catuxa López Pato.
A obra de Paul Celan constitúe unha das referencias esenciais da historia da poesía no século XX. Un universo poético que se ergue como experiencia transformadora ante o enigma da existencia. A capacidade de suxestión e penetración das súas verbas reafirma a literatura como linguaxe que mostra e oculta ao mesmo tempo, como renuncia e plenitude. En 1960 Celan recibiu o Premio Georg Büchner pola súa obra literaria.

Recensións

Detalles

Páxinas : 112
Deseño : Rústica con lapelas
Dimensións : 14 x 21 cm.
Data Publicación : 2005-05-16
Colección : Dombate (Poesía)
Editorial : Galaxia
ISBN : 978-84-8288-751-7
Edición : 1

Noticias relacionadas

Obras do autor en catálogo

Actividades relacionadas

Novidades

Carliños, capitán!Xoán Babarro González

Unha cervexa ChangManuel Portas

O meu sangueDiego Giráldez

MaasaiAlberto Avendaño

Historia do vampiro que perdeu os cabeirosXosé A. Perozo

Celan, Paul
En 1920 nace Paul Celan en Czernowitz, na Bukovina, antes parte de Romanía, agora sitúase dentro das fronteiras de Ucrania. No ano 1938 viaxa a Francia para realizar estudos de medicina na cidade de Tours, estudos que se verán interrompidos pola Segunda Guerra Mundial. En 1941 os seus pais son deportados e el é enviado polas tropas nazis a un campo de traballo, nunca os volverá ver. Nos anos seguintes viaxa a Bucarest, Viena e finalmente a París onde verá a luz o seu primeiro libro de poemas, Der Sand ausden Urnen, ao que seguirá Mohn und Gedächtnis en 1952.
Ata a súa morte, aos 49 anos, Celan permanecerá na capital francesa, onde traballa como profesor de lingua alemana e tradutor.