cartas do destino

17,50€

mercar

As cartas do destino

Xosé M. Núñez Seixas

Raúl Soutelo Vázquez

Entre dous mundos

Premio Manuel Murguía da Deputación da Coruña no ano 2003, As cartas do destino é un traballo de investigación histórica desenvolvido por Xosé M. Nuñez Seixas e Raúl Soutelo a partir da correspondencia mantida ao longo de cincuenta anos polos membros dunha familia de emigrantes galegos en América. A voz dos outras veces protagonistas anónimos da historia chega agora aos lectores de maneira directa a través das cartas que se inclúen neste libro publicado na colección Memoria.

Entre América e Galicia circularon durante medio século as cartas da familia Naveiras, orixinarios da parroquia de Ferreira, no concello ferrolterrán de San Sadurniño. As angueiras e arelas destes galegos que marcharon traballar alén mar quedaron así fixadas por escrito. As cartas do destino recolle unha correspondencia de máis de duascentas cartas para, a partir delas, os historiadores Xosé M. Seixas e Raúl Soutelo reconstruíren a historia dunha vida. Mediante a investigación feita polos autores do libro, o lector pode compartir unha experiencia semellante a dos centos de milleiros de galegos que atravesaron o Atlántico, ao tempo que ten acceso directo ao testemuño daqueles que nunca deixarán de pensar na súa terra.

As dificultades da vida cotiá, profesional e familiar, as relacións entre os galegos emigrados e as destes cos que permaneceron en Galicia, o asociacionismo como xeito de recrear os vencellos sociais da terra de orixe e o constante afán por axudar ao progreso de Galicia coa construción de escolas e axuda económica, quedan reflectidas nun libro no que os auténticos protagonistas falan en por si.

Recensións


Detalles

  • Páxinas : 272
  • Deseño : Rústica con lapelas
  • Dimensións : 135 x 210 mm.
  • Data Publicación : 2005-03-16
  • Colección : Memoria
  • Editorial : Galaxia
  • ISBN : 978-84-8288-791-3
  • Edición : 1

Noticias relacionadas



Actividades relacionadas


Novidades

9788491516453Esta noite hei de ir a verteBeatriz García Turnes
9788491516293Canta, miña rula, cantaAntonio García TeijeiroXan López Domínguez
Ao abeiro da amizade Epistolario 1926-1976 OBRADOIRO.inddAo abeiro da amizade. Epistolario 1926-1976Ramón Otero PedrayoSebastián Martínez-Risco
9788491516446PapiroflexiaFernando Castro Paredes

Autor/a

ENTREVISTA AL CATEDRATICO DE HISTORIA CONTEMPORANEA DE LA USC XOSE MANUEL NUÑEZ SEIXAS.XOAN ALVAREZ

Núñez Seixas, Xosé Manuel
(Ourense, 1966) estudou Historia nas universidades de Compostela e Dijon, e doutorouse no Instituto Universitario Europeo de Florencia. É catedrático de Historia Contemporánea na Universidade de Santiago de Compostela, e entre 2012 e 2017 foino na Universidade Ludwig-Maximilian de Múnich. Forma parte do consello asesor e de redacción de diversas revistas ibéricas e internacionais, e dende 2018 é vicepresidente do Consello da Cultura Galega. As súas pescudas céntranse na historia comparada e transnacional dos nacionalismos e as identidades territoriais en Europa, os estudos migratorios, a historia cultural da guerra e a memoria das ditaduras. Entre as súas obras máis recentes, cómpre salientar Camarada invierno. Experiencia y memoria de la División Azul  (Barcelona 2016; ed. alemá Münster 2016); Suspiros de España. El nacionalismo español, 1808-2018 (Barcelona 2018, Premio Nacional de Ensaio 2019; ed. alemá, Hamburgo, 2019); con E. Storm (ed.), Regionalism and Modern Europe: Identity Construction and Movements from 1890 to the Present Day  (Londres, 2019); Guaridas del lobo. Memorias de la Europa autoritaria, 1945-2020 (Barcelona 2021, ed. inglesa Londres 2021), e mais  (ed.), The First World War and the Nationality Question in Europe (Leiden/Boston, 2020).   Foto autor ©Xoán A. Rey

soutelo

Soutelo Vázquez, Raúl
Amoeiro 1968. Profesor de ensino secundario especializado en historia contemporánea. Publicou os libros Os intelectuais do agrarismo (1999) e De América para a casa (2001). Obtivo o Premio Xesús Ferro Couselo co traballo Labregas, emigradas, estraperlistas e represaliadas. Experiencias de vida e lembranzas de mulleres na Galicia rural: 1900-1960.


Uso de cookies

Este sitio web utiliza cookies para que vostede teña a mellor experiencia de usuario. Se continúa navegando está dando o seu consentimento para a aceptación das mencionadas cookies e a aceptación da nosa política de cookies, clique na ligazón para máis información. sobre as cookies

ACEPTAR