Estás aquí:

Código: 2150

Ricardo Carvalho Calero. O anxo da terra

Rabuñal, Henrique

12,10 € IVE INCLUIDO

Da maneira que na novela Scórpio diversos narradores constrúen a biografía do protagonista, así neste libro diferentes narradores iluminan o conxunto da obra literaria, lingüística ou filolóxica de Carvalho Calero e as sucesivas etapas biográficas.

Os anos infantís en Ferrol, a vida universitaria e política xa na compaña de María Ignacia Ramos Díez, a guerra e o presidio, a dura posguerra e a fértil xeira de Fingoi, o seu labor académico, a súa entrega a Galaxia e o período da docencia universitaria. Tamén o ciclo vizoso como profesor xubilado e a incesante presenza e reivindicación de Ricardo desde o seu pasamento até os nosos días. Escritor precoz e total durante seis décadas, entregado militante do nacionalismo republicano, intelectual brillante e libre sempre entregado á nosa cultura, Carvalho Calero ocupa un dos lugares máis sobranceiros na historia galega do século XX. Podemos afirmar del o que el dicía de Otero Pedrayo. Contra Carvalho Calero non se pode construír o noso país.

Comparte nas túas redes sociais ou por email

Detalles do libro

Páxinas: 208

Deseño: Rústica

Data Publicación: 20/01/2016

Dimensións 135 x 190 mm.

Colección: Letras Galegas Clásicos

Nº na colección: 25

Edición: 1ª ed. 1ª impr.ª

Editorial: Galaxia

ISBN: 978-84-9151-436-7

Observacións:

AUTORES/AS

Rabuñal, Henrique

Henrique Rabuñal (1962) é doutor en Filoloxía Galega pola USC e catedrático de Lingua e Literatura galegas. Autor das obras Poemas da luz e da loucura (1992), Textos e contextos do teatro galego (1994), A fariña das horas (1998), A Coruña na historia (1999), O tempo demorado nos marmelos (2000), Ollos negros (2004), Palabra e patria (2005), O cristal da sede (2006), Literatura galega (2007), Teatro incompleto (2009), Escritos sobre teatro galego (2012) e Porlier en Pastoriza (2018), con Miguel Sande. Escribiu biografías de Manuel Murgía, Marinhas del Valle, o padre Sarmiento, Lugrís Freire e Xosé María Álvarez Blázquez. Colaborou en obras colectivas sobre Murguía, Carvalho Calero, F. Pillado, Marinhas del Valle, Manuel María, Vidal Bolaño, Isidro Novo, o teatro galego e as Irmandades da Fala.