Berta Mir. O caso do falso accidente

Jordi Sierra i Fabra

Berta Mir é unha moza de dezaoito anos, co seu grupo de música, cos seus amigos, cos seus amores, coas súas dúbidas, coas súas inquedanzas...;

pero a vida daralle un xiro inesperado: seu pai, detective privado, sofre un gravísimo accidente de coche, froito dun intento de asasinato. Berta deverá loitar contra o reloxo e resolver, botando man da súa afouteza e enxeño, os tres casos que seu pai estaba a investigar: un pai que fai seguir o fillo para evitar que tome drogas, unha moza que fuxiu da casa co mozo, e unha muller que engana o seu marido…

O caso do falso accidente é a primeira novela onde esta noviña detective terá que moverse polos ambientes perigosos de Barcelona, á vez que compaxinar a súa nova actividade co seu día a día. Dúas vidas difíciles de cadrar para unha moza da súa idade.

Recensións


Detalles

  • Páxinas : 272
  • Deseño : Rústica con lapelas
  • Dimensións : 135 x 210
  • Data Publicación : 03/09/2018
  • Colección : Costa Oeste
  • Editorial : Galaxia
  • ISBN : 978-84-9151-192-2
  • Edición :
  • Nº na colección : 105
  • Observacións :

Noticias relacionadas



Actividades relacionadas


Novidades

os-ollos-do-tangaleironOs ollos do TangaleirónXosé Antonio Neira Cruz
pantallasPantallasCelia Parra
iridiumIRIDIUMFrancisco Castro

Sierra i Fabra

Sierra i Fabra, Jordi
Naceu en Barcelona en 1947. É un dos autores españois máis prolíficos e recoñecidos internacionalmente. Autor de máis de douscentos libros e traducido a máis de vinte linguas, iniciouse profesionalmente no xornalismo e foi director de revistas fundamentais para a introdución en España da música rock, como Disco Exprés. Desde 1978 dedícase exclusivamente á literatura, alcanzando un extraordinario éxito de público e vendas. Entre as súas obras máis populares destacan Historia de la música pop, El joven Lennon, El tiempo del olvido, Nun lugar chamado Guerra e Durmido sobre os espellos. Algunhas das súas obras coñeceron adaptacións á televisión. En 2006 e 2010 foi candidato ao Nobel da literatura para xoves, o premio Hans Christian Andersen, representando a España. En 2011 entrou no padroado do Instituto Cervantes.

A lista dos seus premios é interminable: Ateneo de Sevilla, Gran Angular, Vaixell de Vapor, Abril, Edebé, Cervantes Chico… En 2007 gañou o Premio Nacional de Literatura Infantil e Xuvenil, concedido polo Ministerio de Cultura, coa súa obra Kafka y la muñeca viajera, publicado en galego por Galaxia.


Uso de cookies

Este sitio web utiliza cookies para que vostede teña a mellor experiencia de usuario. Se continúa navegando está dando o seu consentimento para a aceptación das mencionadas cookies e a aceptación da nosa política de cookies, clique na ligazón para máis información. sobre as cookies

ACEPTAR