Estás aquí:

Código: 2645

As terceiras mulleres

Rábade Villar, María do Cebreiro

17,80 € IVE INCLUIDO

Unha maneira nova de entender a representación da subxectividade feminina e a representación artística feita por mulleres.

Feminino e plural, As terceiras mulleres son figuras da multiplicidade que poden propiciar un achegamento á lenta e complexa intervención histórica das mulleres como "suxeitos". Este ensaio de ensaios intenta trazar un percorrido libre por distintas obras da tradición occidental, mostrando o diálogo entre a literatura, a música e as artes visuais de moi distintos tempos e lugares.
En As terceiras mulleres, a autora amosa como as fillas de Anio, cantadas por Ovidio nas Metamorfoses, supoñen a emerxencia dunha posibilidade alternativa de concibir a relación entre os xéneros, tomada esta palabra no seu dobre sentido de "xénero sexual" e "xénero literario". A misteriosa raíña de Mallorca, o poema "Dona Flamenca" de Álvaro Cunqueiro e a canción de temática amorosa composta e interpretada por mulleres cubanas son outros dos temas sobre os que María do Cebreiro refléxiona e, a carón deles, sobrancean un orixinal achegamento ao pensamento literario de Virxinia Woolf ou a análise da fuxida dos discursos filosóficos e artísticos sobre o amor na sociedade contemporánea.

Comparte nas túas redes sociais ou por email

Detalles do libro

Páxinas: 156

Deseño: Rústica con lapelas

Data Publicación: 28/02/2005

Dimensións 14 x 21 cm. mm.

Colección: Ensaio

Nº na colección:

Edición: 1ª

Editorial: Galaxia

ISBN: 978-84-8288-771-5

Observacións:

Novas relacionadas con este libro

Un futuro feminino sen xeraquías

AUTORES/AS

Rábade Villar, María do Cebreiro

María do Cebreiro (Santiago de Compostela, 1976) é poeta e profesora de Teoría da Literatura e Literatura Comparada na Universidade de Santiago de Compostela. É autora de ensaios, antoloxías e de máis dunha ducia de poemarios entre os que destaca a triloxía composta por Os inocentes (2014), O deserto (2015, Premio da Crítica Española e Premio da Crítica de Galicia), e A lentitude (2017). No ano 2004 publicou o libro infantil Dona e don (Galaxia); en 2005 publicou o ensaio Terceiras mulleres (Galaxia) e o ano seguinte o poemario Os hemisferios (Galaxia), ao que seguiu A herba de namorar (Galaxia, 2019). En 2011 publicou o ensaio Fogar impronunciable. Poesía e pantasma, ao que seguiría Maternidades virtuosas. Unha crítica aos modelos profesionais de crianza (Galaxia, Premio Ramón Piñeiro de Ensaio, 2021).

É autora do ensaio introdutorio de 8 ensaios sobre Rosalía, publicado co gallo do 75 aniversario da Editorial Galaxia.