Na colección Dombate de Poesía vimos de publicar o novo poemario de Ana Romaní, 'Estremas'.
Con este motivo, mantivemos unha conversa que reproducimos de contado.
PREGUNTA: Sen rodeos, hai neste mundo sitio para os poetas?
RESPOSTA: Hainos que atopan o seu sitio neste mundo, hainos que buscan outros mundos e hainos que máis que sitio procuran outro lugar.
PREGUNTA: Poderías definir o teu libro en dez palabras?
RESPOSTA: Mellor oito apuntamentos (que son máis de dez palabras) para unha posible lectura.
*Un animal ferido
*Un corpo despezado
*Uadi Al Hitan
*Furia e vertixe
*Fóra da correción e da mesura
*A procura dunha nova posición
*Os discursos gravan as marcas nos corpos
*As osamentas no terrazo
PREGUNTA: Nalgún territorio se atopan xornalismo e literatura?
RESPOSTA: Nos ocos que fican.
PREGUNTA: Sei que é un tópico, pero existe a voz poética da muller?
RESPOSTA: A voz poética da muller non, as voces poéticas das mulleres si.
PREGUNTA: Como ves o panorama?
RESPOSTA: Exhausto