A obra gañadora do III Premio de Novela Camiño de Santiago 2025, de Fernando García Calderón, presentouse onte, no Pazo de San Roque, nunha rolda de prensa, na que o autor estivo acompañado por Marcelino Agís, presidente da Academia Xacobea; Milagros Otero, secretaria da institución; Valentín García, secretario xeral da Lingua; e Xesús Domínguez, director de Produción de Editorial Galaxia.
Argonautas no labirinto achega unha aventura chea de enigmas no Camiño de Santiago, na que Argus, tras perder a memoria, tenta reconstruír o seu pasado coa axuda de Runa e Rodri. Un percorrido onde o xogo da oca, os templarios e a procura do coñecemento se entrelazan nun relato de amizade, preguntas e descubrimentos.
Fernando García Calderón (Sevilla, 1959) é escritor e enxeñeiro de Camiños. Comezou a súa andaina literaria no conto, con numerosos premios en certames literarios, que deron ao prelo catro volúmenes, que culminan con La sonrisa del observador (2024).
As súas dúas primeiras novelas, El vuelo de los halcones en la noche (1998) e El hombre más perseguido (1999), fixéronse merecedoras dos premios Félix Urabayen e Ateneo-Ciudad de Valladolid. Cun corpo narrativo que abarca desde os claroscuros do século XV ata as sombras do noso airado presente, é autor, ademais, das celebradas obras La judía más hermosa (2006, revisitada en 2023) e Los espacios efímeros (2024).
Argonautas no labirinto é a súa duodécima novela. www. fernandogarciacalderon.com