Escoller onde buscar

Rolda de prensa arredor de “Aquí comeza o mar”, en Ourense

Categoría: Nova

O martes 19 de abril, celebrarase, ás 12 h, unha rolda de prensa arredor de Aquí comeza o mar, Premio Blanco Amor 2021, de Blanca Riestra.
Acompañando a autora, estarán o presidente da Deputación de Ourense, Manuel Baltar, Luís González Tosar, escritor e director da Fundación Eduardo Blanco Amor, e Antón Vidal Andión, presidente de Editorial Galaxia.
A autora gañou este prestixioso recoñecemento, que é un dos grandes premios literarios do país, cunha historia que retrata A Coruña, en distintos momentos da trama. Esta novela entronca coas tendencias literarias actuais que se cultivan noutros lugares, a través dun estilo que combina xéneros como a literatura e a autoficción, o xornalismo ou a novela da memoria, sen perder como faro literario a forza da subxectividade.

Destaca a súa riqueza literaria, caracterizada pola mestura de xéneros, confluíndo a autoficción, o xornalismo e a novela de memoria.
Trátase dun relato xeracional onde se reflicten con acerto as vivencias de protagonistas ficticios, mais tamén reais, que deste xeito quedan para sempre inmortalizados.
Blanca Riestra (A Coruña, 1970) en castelán é autora das novelas Anatol y dos más (1996), La canción de las cerezas (2001), Premio de novela Ateneo Joven de Sevilla), El sueño de Borges (2004), Todo lleva su tiempo (2007, Premio de Novela Tigre Juan), Madrid blues (2008), La noche sucks (2010, Premio Eñe), Vuelo diurno (2012), Pregúntale al bosque (2013, Premio Internacional de Novela Ciudad de Barbastro), Greta en su laberinto (2016, Premio Torrente Ballester). Na actualidade vive na Coruña e traballa como profesora universitaria no Cesuga.

Noire Compostela é asúa primeira novela publicada en galego.

Comparte nas túas redes sociais ou por email