Taracea marroquí 1935

Eduardo Blanco Amor

Edición de Xosé Enrique Acuña

Recóllense neste volume as reportaxes escritas desde diversas perspectivas, todas elas con interese e non exentas de actualidade, na brillante prosa blancoamoriana, de grande altura literaria. Van acompañadas de vinte e seis fotografías artísticas do propio autor que, como é sabido, nunca se separaba da súa cámara Voigtländer,  sempre atento ás paisaxes —neste caso urbanas— e aos retratos psicolóxicos. Encargouse da presente edición Xosé Enrique Acuña, autor dun esclarecedor estudo que contextualiza e afonda nos traballos e as fotos de Blanco-Amor.

Iniciamos con este libro, a Deputación de Ourense, a Fundación Blanco-Amor e a Editorial Galaxia, a colección EB-A. Xornalismo e fotografía, que permitirá achegar celmentos froitos dun dos grandes das nosas letras.

Recensións


Detalles

  • Páxinas : 148
  • Deseño : Cartoné
  • Dimensións : 170 x 240
  • Data Publicación : 01/12/2021
  • Colección : Varios
  • Editorial : Galaxia
  • ISBN : 978-84-9151-774-0
  • Edición :
  • Nº na colección : 150
  • Observacións :

Noticias relacionadas



Actividades relacionadas


Novidades

Amiga lúa, amigo marClaudia Castro
O cabaliño de buxoXosé Neira Vilas

Blanco Amor, Eduardo
(Ourense 1897-Vigo 1979). A produción literaria de Blanco Amor comezou coa publicación de Romances Galegos (1928). A principios dos anos trinta entra en contacto con Castelao e con outros membros do Partido Galeguista e do Grupo Nós. Escribe Poema en catro tempos (1931) e desde Bos Aires colabora coa revista Nós.

Foi ademais o fundador e director do Teatro Popular Galego (1957). Antes de abandonar definitivamente América, Blanco Amor publicou A Esmorga (1959), libro que será nun dos grandes fitos da renovación da narrativa galega, e xa en Galicia leva ao prelo Os biosbardos (1962). Tras publicar unha nova edición de A Esmorga (1970) e a longa novela Xente ao lonxe (1972), centrou a súa produción no teatro (Farsas para títeres e Teatro pra a xente).


Uso de cookies

Este sitio web utiliza cookies para que vostede teña a mellor experiencia de usuario. Se continúa navegando está dando o seu consentimento para a aceptación das mencionadas cookies e a aceptación da nosa política de cookies, clique na ligazón para máis información. sobre as cookies

ACEPTAR