Pedro Alecrim
Menu
Menu
Pedro Alecrim é un rapaz da aldea que nos conta o curso escolar que comeza e que será decisivo para a súa vida
O protagonista fálanos primeiro das falcatruadas que fan el e mais os seus compañeiros nas clases. Explícanos como copian, por exemplo, pero tamén os plans que teñen para facérense ricos. Un día, sen embargo, o pai de Pedro enferma e o cativo ten que preocuparse doutras cousas. Os estudios non lle van mal, pero pensa que non lle servirán de moito o día de mañá. Ó mesmo tempo, algúns dos seus amigos deben enfrentarse tamén a outros problemas, aínda que ningún tan grave como o que afecta a Pedro, que perde ó seu pai, deixa os estudios e acaba facendo de aprendiz dun ferreiro.
Naceu no lugar de Vilarelho, no distrito de Porto, en Portugal, o día 16 de xullo do ano 1957. Deuse a coñecer como escritor no ano 1979, cando publicou o seu primeiro libro, titulado A aldeia das Flores. Pouco despois, en 1983, coa novela xuvenil O rapaz de Louredo gañou o Premio da Asociación Portuguesa de Escritores. Finalmente, en 1990 obtivo o prestixioso Premio Gulbenkian de literatura xuvenil polo seu libro Pedro Alecrim que foi considerado como a mellor novela para rapaces publicada en Portugal nos dous anos anteriores. Ademais da súa dedicación literaria, António Mota cultiva o xornalismo e ten escrito guións e historias para a televisión do seu país.
