Proceso e encarceramento de Ramón Piñeiro. 1946-1949
Xosé Manuel Dasilva, investigador de contrastada traxectoria no estudo da censura editorial durante a ditadura, recompila en Os libros censurados por Franco un amplo mostrario de expedientes dos censores de obras orixinais en galego e de traducións para o galego, que permite compoñer o retrato fidedigno da actuación represiva do réxime franquista, de par que nos ofrece os avatares dalgunhas obras que recibiron obxeccións para a súa publicación e da súa sorte final no proceso de edición.
Xosé Manuel Dasilva (Vilagarcía de Arousa, 1962) é profesor na Facultade de Filoloxía e Tradución da Universidade de Vigo. Publicou numerosos estudos relativos sobre todo aos ámbitos galego e luso-brasileiro. Foi comisario da exposición itinerante Editar en galego baixo a censura franquista. Arredor da figura de Ramón Piñeiro, publicou os traballos Ramón Piñeiro e a prohibición de traducir ao galego (2008), As vicisitudes editoriais d’A esmorga (2009) e Ramón Piñeiro e o Cancioeiro de Pokorny. Anatomía dun certame de tradución (2010), ademais do libro Ramón Piñeiro, tradutor (2009).
