García-Sabell reflexiona sobre temas fundamentais para compartir co lector a procura da significación fonda das cousas.
Este libro recolle artigos publicados no diario La Voz de Galicia entre 1994 e 1996, nos que o autor procura esa mínima revelación que dá sentido aos actos de pensar e escribir. García-Sabell refexiona, por riba dos tópicos, sobre os libros e os metres, o oculto que vive en nós, as condicións nas que se desenvolve o pensamento nos nosos días, a sensibilidade cultural da nosa época, Deus, o nihilismo e a esperanza…
Naceu en Santiago de Compostela en 1909 e morreu na Coruña en 2003. Este escritor, político e médico é unha das figuras máis recoñecidas e respectadas do pensamento galego do século XX. Destacou no ámbito da medicina en temas de metabolismo e nutrición. De 1981 a 1996 foi delegado do Goberno en Galicia. Na súa producción como escritor elaborou numerosas biografías de artistas e intelectuais de Galicia e de fóra do país, e tratou temas como o erotismo, a morte e a saudade. Destacan Rosalía y su sombra, Análise existencial do home galego enfermo e outros ensaios, Os gromos do pensamento e Paseata arredor da morte.
García-Sabell foi presidente da Real Academia Galega e académico numerario das academias de Belas Artes, Ciencias e Medicinia e Cirurxía. Presidiu a Editorial Galaxia, foi conselleiro da Fundación Penzol e recibiu entre outros recoñecementos o Premio das Artes e das Letras de Galicia (1998).