Villardevós
Inspirada nas experiencias vitais de Silvio Santiago, O silencio redimido narra os acontecementos máis tráxicos da Guerra Civil vividos polos que sufriron a brutal represión de sinistros personaxes que, amparados pola forza, mostraron o seu desprezo pola dignidade humana, e que converten esta obra nun canto á fraternidade e unha denuncia da barbarie e a degradación á que poden chegar os seres humanos.
(Vilardevós, 1903-1974). Xornalista e escritor de formación autodidacta. Participou na fundación do Partido Sindicalista na Coruña. Por mor da Guerra Civil fuxiu a Portugal e dende alí a Venezuela. Neste país fundou o Lar Gallego, o Centro Gallego e a Casa de Galicia, varias publicacións periódicas e incluso un programa radiofónico, "Hora de Galicia". Colaborou en xornais e revistas ata a súa volta ó noso país. É autor de dous libros narrativos, Villardevós (1961) e o póstumo O silencio redimido, que en 1977 lle valeu o Premio da Crítica.
