Estás aquí:

Código: 2647

O rei Artur

Bernárdez Vilar , Xoán

19,50 € IVE INCLUIDO

O mito do rei Artur é unha das máis cobizosas creacións da cultura europea. A tradición artúrica é o resultado da fusión de múltiples elementos ao longo dun período de tempo que vai dende o principio da Idade Media ata os nosos días. Dende Cunqueiro a Ferrín, a presenza dese mito fundacional na cultura galega é expresión da súa universalidade.

O amigo Merlín, a Táboa Redonda, a corte de Camelot, Guenevere e Lancelot, Perceval, a espada Excalibur e a busca do Graal forman parte da historia do rei Artur. Un mito, que desde a época celta ata hoxe, se converteu no símbolo da procura do coñecemento. Neste libro téntase deslindar o que hai nel de realidade histórica e o que ten de narrativa lendaria. Celtas, xermánicos e despois cristiáns, amais de rituais e didácticas milenarias, acabaron por construír un dos relatos máis fascinantes da nosa cultura.

Comparte nas túas redes sociais ou por email

Detalles do libro

Páxinas: 240

Deseño: Rústica con lapelas

Data Publicación: 28/10/2005

Dimensións 13 x 21 cm. mm.

Colección: Ensaio

Nº na colección:

Edición: 1ª

Editorial: Galaxia

ISBN: 978-84-8288-847-7

Observacións:

AUTORES/AS

Bernárdez Vilar , Xoán

Naceu en Marín en 1936. Leva a cabo unha intensa actividade como investigador no eido da historia, como demostran os artigos publicados en publicacións como Algália e Galicia social. Tamén cultivou a narrativa histórica. Resaltan as súas novelas Un home de Vilameán: anatomía dunha revolución, ¡Ouveade, naves de Tarsish!, Vento do Norte, vento do Sur e O ano do cometa, gañadora do premio Xerais 1986. En 1992 publicou ¡Xerusalén, Xerusalén!, resultado das súas viaxes por Oriente Medio, que constitúe unha tentativa de tratar o conflito que enfronta a árabes e israelís.